کراچی اور حیدرآباد میں تاخیر کا شکار بلدیاتی الیکشن کو مزید روکنے کے لیے ایم کیو ایم  نے سندھ ہائی کورٹ میں درخواست دائر کر دی

تفصیلات کے مطابق کراچی اور حیدرآباد ڈویژن میں تاخیر کا شکار بلدیاتی انتخابات کو مزید  روکنے کے لئے ٰایم کیو ایم پاکستان کی جانب سے سندھ ہائی کورٹ میں درخواست دائر کی گئی  جس میں ان کے وکیل نے یہ موقف اختیار کیا کہ کیس کا فیصلہ کرنے سے پہلے ہمارا مؤقف بھی سنا جائے۔ایم کیو ایم کے وکیل نے اپنی درخواست میں کہا کہ جماعت اسلامی اور پی ٹی آئی کے کیس میں ہم فریق بننا چاہتے ہیں تاکہ ہمارا موقف بھی سنا جاسکے۔

ایڈوکیٹ طارق منصور نے بول ذرائع کو بتایا کہ سپریم کورٹ کے حکم کے مطابق قانون سازی کے بغیر بلدیاتی ادارے بااختیار نہیں ہو سکتے، بلدیاتی قوانین میں ترامیم تک بلدیاتی الیکشن نہ کروائے جائیں۔جماعت اسلامی اور پی ٹی آئی کے کیس میں ہم فریق بننا چاہتے ہیں تاکہ ہمارا موقف بھی سنا جاسکے۔

ایم کیو ایم پاکستان کے وکلا کو درخواست کے جواب میں مایوسی کا سامنا ہوا 

عدالت نے فریق بننے کیلئے ایم کیو ایم کی فوری سماعت کی درخواست مسترد کرتے ہوئے کہا کہ آپ کی درخواست دائر ہوگئی ہےجب روٹین میں آجائے گی  تو دیکھ لیں گے جس پر ایم کیو ایم کے وکیل ایڈوکیٹ طارق منصور نے کہا کہ آج کیس لگا ہوا لہزا ہمیں بھی فریق بننے کی اجازت دی جائے،آپ پرمیشن دیں گے تو فائل آج ہی ہوگی ، ہمیں بھی دلائل دینے کا موقع مل جاۓ گا جس پر چیف جسٹس کا کہنا تھا کہ اس طرح فوری سماعت کی درخواست نہیں سن سکتے۔

واضح رہے کہ بلدیاتی انتخابات ملتوی کرنے کے خلاف جماعت اسلامی اور پی ٹی آئی نے درخواستیں دائر کی ہوئی ہیں اور عدالت نے اس حوالے سے الیکشن کمیشن، سندھ حکومت اور آئی جی سندھ سے جواب طلب کر رکھا ہے۔