یوں تو سب ہی جوڑے زندگی گزارتے ہیں کبھی ان کے درمیان تعلقات خوشگوار ہوتے ہیں تو کبھی معمولی باتوں کی وجہ سے دوریاں جنم لینے لگتی ہیں۔

بعض اوقات یہ دونوں ایک دوسرے کے ساتھ ہوتے ہوئے بھی ساتھ نہیں ہوتے۔چھوٹی چھوٹی باتیں پہاڑ بن جاتی ہیں اور اختلافات ختم ہو نے کا نام نہیں لیتے ،اوراس طرح یہ خوبصورت رشتہ اپنا حسن کھو دیتا ہے ۔لیکن خوشگوار تعلقات کے چند اصول ہیں جنہیں اپنا کر زندگی کو بہتر طریقے سے گزارا جاسکتا ہے۔

حالات کا مقابلہ مل کر یں

ایک دوسرے کا ساتھ کبھی بھی نہ چھوڑیں، اچھا برا وقت آتا رہتا ہے مگر اپنے تعلقات وقت کے ساتھ خراب نہ کریں۔کبھی کبھی ایک دوسرے کے شانے پر سر رکھ کر دل کا بوجھ ہلکا کر لیں۔

تنگ نظری کا مظاہرہ نہ کریں

ایک دوسرے کو برا بھلا نہ کہیں ،نہ ہی اسے کسی کام کی وجہ سے برا محسوس کروائیں،یہ بات دل سے نہیں نکلتی اور رشتے میں دراڑ آجاتی ہیں۔

بغیر کسی شکایت کے معاف کر دیں

غلطی جس سے بھی ہو معاف کر دیں یہ نہیں کہیں کہ ایسا کیوں کیا یا ایسا کیوں نہیں کیا ۔شکایت نہ کریں،دل میں گرہ نہ لگائیں۔

پبلک پلیس میں کبھی بھی نہ لڑیں

لڑائی اور جھگڑے میں کبھی بھی زبان سے اچھے الفاظ نہیں نکلتے ،لوگ دیکھتے ہیں اور زندگی تماشہ بن جاتی ہیں ۔اگر کسی بات پر اختلافات ہیں بھی تو اسے گھر میں بات چیت کے ذریعے حل کریں۔

ہر خوشی کا موقع منائیں

دونوں خوشی کے تمام دن یاد رکھیں، ایک دوسرے کی سالگرہ ہو یا شادی کی سالگرہ ،مل کر منائیں اور اس سے یاد گار بنائیں تاکہ یہ خوبصورت لمحے ہمیشہ یادوں میں رہیں۔