عدالتی احکامات کیخلاف کراچی میں دن کے اوقات میں ہیوی ٹریفک کا داخلہ جاری

شاہد حسین

09th Dec, 2022. 03:40 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عدالتی احکامات کیخلاف کراچی میں دن کے اوقات میں ہیوی ٹریفک کا داخلہ جاری

سندھ ہائی کورٹ کے احکامات کے باوجود کراچی میں دن کے اوقات میں ہیوی ٹریفک کا داخلہ جاری ہے۔

تفصیلات کے مطابق ہیوی ٹریفک کے کراچی شہرمیں داخلے پر پابندی کے بھاری بھرکم عدالتی احکامات بھی کام نہ آئے۔

ٹریفک پولیس نے سندھ ہائی کورٹ کے احکامات ہوا میں اڑا دیے۔ کراچی میں دن کے اوقات میں بھی ہیوی ٹریفک کا شہرمیں داخلہ جاری ہے۔

عدالتی احکامات پرعملدرآمد نہ ہونے پر شہریوں نےٹریفک پولیس، انتظامیہ اور حکومت کو آڑے ہاتھوں لیتے ہوئے پابندی پر مکمل عمل کرانے کا مطالبہ کیا کہا کہ دن کے اقات میں بھی شہر میں ٹرک، ٹریلے، کنٹینر، ڈمپر، ۔ٹینکرزسمیت دیگر بھاری بھرکم گاڑیاں دندناتی پھرتی ہیں۔

سندھ ہائی کورٹ کی جانب سے گزشتہ روز صبح چھ بجے سے رات گیارہ تک ہیوی ٹریفک کے شہر میں داخلے کی پابندی پر عملدرآمد کا حکم دیا گیا تھا۔

عدالت نے حکم دیا کہ خلاف ورزی پر ہیوی گاڑیوں پرجرمانہ نہیں بلکہ بند کیا جائے۔ کورٹ کے حکم کے مطابق کوئی ادارہ بھی رکاوٹ ڈالےتوعدالت کوآگاہ کیاجائے۔

دوسری جانب کراچی کے شہریوں نے حکومت سے مطالبہ کیا کہ شہرمیں ہیوی ٹریفک کا داخلہ روکنے کےعدالت احکامات پر فوری عملدرآمد کرایا جائے۔