بلوچستان عوامی پارٹی کے رہنماؤں کی پیپلز پارٹی میں شمولیت

ویب ڈیسک

31st Dec, 2022. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان عوامی پارٹی کے رہنماؤں کی پیپلز پارٹی میں شمولیت

بلوچستان عوامی پارٹی ( باپ) کے رہنماؤں نے پیپلز پارٹی میں شمولیت اختیار کرلی۔

تفصیلات کے مطابق پاکستان پیپلزپارٹی پارلیمنٹرینز کے صدرآصف زرداری سے ملاقات کے بعد بلوچستان عوامی پارٹی (باپ) کے رہنماؤں نے پیپلز پارٹی میں شمولیت اختیار کرلی۔

ملاقات کے دوران سابق صدرآصف زرداری نے کہا کہ پاکستان پیپلز پارٹی ہمیشہ سے بلوچستان کی آواز رہی ہے۔ بلوچستان بی بی شہید کے سب سے قریب تھا۔

پاکستان پیپلزپارٹی پارلیمنٹرینز کے صدر نے کہا کہ بلوچستان کے لئے پہلے بھی بہت کیا لیکن ابھی بہت کچھ کرنا باقی ہے۔

آصف زرداری سے باپ پارٹی کے اراکین بلوچستان اسمبلی ظہوربلیدی، سلیم کھوسہ اورعارف محمد حسنی نے بھی ملاقات کی۔ سابق صدر آصف علی زرداری اور بلوچستان عوامی پارٹی کے رہنماؤں کے درمیان بلاول ہاؤس میں ملاقات ہوئی۔

آصف علی زرداری سے ملاقات کے بعد حاجی ملک شاہ گورگیج، میر اصغر رند، میر فائق جمالی، سردارزادہ فیصل جمالی اور آغا شکیل درانی نے پی پی پی میں شمولیت اختیار کرلی۔

ترجمان بلاول ہاؤس کے مطابق سابق صدر زرداری سے ملاقات کے بعد عبید گورگیج اور میر ولی محمد نے بھی پی پی پی میں شمولیت اختیار کی۔

شمولیت کی تقریب میں پاکستان پیپلزپارٹی کے رہنما علی مدد جتک، نوراحمد بنگلزئی و دیگر بھی موجود تھے۔