ویسٹ انڈیر کے معروف سابق کرکٹر شیونارائن چندر پال کے بیٹے کا ہو بہو اپنے والد کی طرح کھیلنے کے انداز نے سب کو حیران کر دیا ہے۔

تفصیلات کے مطابق ویسٹ انڈیز کے سابق کرکٹر شیونارائن چندر پال کے بیٹے ٹیگنارائن چندر پال آسٹریلیا کے خلاف اپنے کیرئیر کا پہلا ٹیسٹ کھیلنے کے لیے میدان میں اترے۔

ٹیگنارائن نے کریز پر پہنچ کر جب گارڈ لیا تو آسٹریلوی ٹیم سمیت شائقین بھی حیران ہو گئے۔ ٹیگنارائن کا انداز ہو بہ ہو اپنے والد کی طرح تھے، ٹیگنارائن کے شاٹس بھی اپنے والد کے شاٹس سے ملتے جلتے تھے، اور ان کا وکٹ پر کھڑے ہونے کا انداز بھی اپنے والد کی طرح تھا۔

باپ بیٹے کی جوڑی میں مماثلت دیکھ کر مداح حیران رہ گئے اور ٹوئٹر پر اپنے خیالات کا اظہار کیا۔

ٹیگنارائن چندر پال اپنے کیرئیر کی پہلی اننگ کے آغاز میں کچھ نروس نظر آئے کئی گیندوں نے ان کے جسم کو نشانہ بنایا لیکن پھر وہ سنبھل گئے اور آسٹریلوی پیسرز کے خلاف چار چوکے اور ایک چھکا لگا کر اپنی دھاک بٹھا دی۔

ٹیگینرائن چندر پال نے ٹیسٹ کرکٹ میں شاندار آغاز کیا انہوں نے آسٹریلیا کے خلاف پرتھ میں پہلے ٹیسٹ کے دوسرے دن اسٹمپ پر 47 رنز بنا کر ناٹ آؤٹ رہے اور ویسٹ انڈیز کو بغیر کسی نقصان کے 74 کے اسکور تک پہنچایا۔

اس سے قبل آسٹریلیا مارنس لیبوشین اور اسٹیو اسمتھ کی ڈبل سنچریز کی بدولت اسکور بورڈ پر 598 رنز کا پہاڑ جیسا مجموعہ بنانے میں کامیاب ہوا۔

بائیں ہاتھ کے بلے باز نے پوری کرکٹ برادری کو حیرت میں ڈال دیا جب وہ بیٹنگ کے لیے باہر آئے کیونکہ ان کا بیٹنگ اسٹائل تقریباً ان کے والد کی کاربن کاپی تھا۔

واضح رہے کہ سابق ویسٹ انڈیز کرکٹرشیو نارائن چندر پال اپنے غیر معمولی بیٹنگ کے موقف کے لیے جانے جاتے تھے اور ان کے بیٹے کے لیے بھی ایسا ہی موقف ہونا ایک ایسی چیز ہے جس نے شائقین کو حیران کر دیا۔