پی ڈی ایم کا پرویز الہٰی کے خلاف تحریک عدم اعتماد جمع کرانے کا فیصلہ

ویب ڈیسک

19th Dec, 2022. 09:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی ڈی ایم کا پرویز الہٰی کے خلاف تحریک عدم اعتماد جمع کرانے کا فیصلہ

پی ڈی ایم نے وزیراعلیٰ پنجاب چوہدری پرویز الہٰی کے خلاف تحریک عدم اعتماد جمع کرانے کا فیصلہ کرلیا ہے۔

ذرائع کے مطابق سابق صدر آصف علی زرداری نے پیپلز پارٹی اور ن لیگ کو وزیراعلیٰ پنجاب کے خلاف تحریک عدم اعتماد جمع کرانے کی ہدایت دے دی ہے۔

ذرائع کا کہنا ہےکہ وزیراعلیٰ کے خلاف تحریک عدم اعتماد آج یا صبح جمع ہونے کا امکان ہے، ن لیگ اور پیپلز پارٹی کے ارکان اب سے کچھ دیر بعد پنجاب اسمبلی پہنچیں گے۔

ذرائع کا یہ بھی کہنا ہےکہ اگر اسمبلی سیکرٹریٹ کھلا ہوا تو آج ہی تحریک عدم اعتماد جمع کرا دی جائے گی جبکہ اسمبلی سیکرٹریٹ بند ہونے کی صورت میں عدم اعتماد کی تحریک کل صبح جمع کرائی جائے گی۔

ذرائع کا یہ بھی کہنا ہےکہ پی ڈی ایم تحریک عدم اعتماد کے ساتھ ساتھ اعتماد کے ووٹ کا بھی آپشن استعمال کرے گی۔

واضح رہے اس سے قبل سابق وزیراعظم اور چیئرمین پاکستان تحریک انصاف (پی ٹی آئی) کی جانب سے 23 دسمبر کو پنجاب اسمبلی کی تحلیل کے ممکنہ اقدام کو روکنے کیلئے پاکستان مسلم لیگ (ن) کے ارکان صوبائی اسمبلی نے وزیراعلیٰ پنجاب چوہدری پرویز الہٰی اور اسپیکر پنجاب اسمبلی سبطین خان کے خلاف تحریک عدم اعتماد پر دستخط کیے تھے۔