معروف عالم دین مولانا طارق جمیل کی جانب سے اپنی صحت سے متعلق بیان جاری کیا گیا ہے۔

گزشتہ روز مولانا طارق جمیل کے صاحبزادے یوسف جمیل کی جانب سے ٹوئٹر پر یہ خبر دی گئی تھی کہ ان کے والد کو کینیڈا میں دل کا دورہ پڑا ہے اور انہیں اسپتال منتقل کردیا گیا ہے۔

 یوسف جمیل کی جانب سے تمام احباب سے خصوصی دعاؤں کی درخواست کرتے ہوئے بتایا گیا کہ مولانا صاحب تبلیغ کے سلسلے میں کینیڈا میں موجود ہیں۔

یہ بھی پڑھیں؛ مولانا طارق جمیل دل کا دورہ پڑنے پر اسپتال منتقل

مولانا طارق جمیل کے ٹوئٹر اکاؤنٹ سے ان کی اسپتال سے تصویر بھی جاری کی گئی اور ساتھ کہا گیا کہ اللہ کے فضل اور آپ احباب کی دعاؤں سے اب طبیعت قدرے بہتر ہے۔

اللہ کے فضل اور آپ احباب کی دعاؤں سے اب طبیعت قدرے بہتر ہے. تین دن مزید ہسپتال میں ڈاکٹرز کے زیرِ نگہداشت رہنے کے بعد انشاءاللہ ڈسچارج کر دیا جائے گا. مزید دعاؤں کی درخواست ہے. pic.twitter.com/4t0OrLzaOP

— Tariq Jamil (@TariqJamilOFCL) December 28, 2022

معروف عالم دین نے ٹوئٹ میں مزید کہا کہ تین دن مزید ہسپتال میں ڈاکٹرز کے زیرِ نگہداشت رہنے کے بعد انشاءاللہ ڈسچارج کر دیا جائے گا، مزید دعاؤں کی درخواست ہے۔

واضح رہے کہ مولانا طارق جمیل کو عارضہ قلب کے باعث گزشتہ روز اسپتال میں داخل کیا گیا تھا ، کینیڈا میں ایک روزقبل مولانا طارق جمیل کی انجیوپلاسٹی ہوئی تھی۔

بابا جان اس وقت کینیڈا میں ہیں اور ان کو دل کا دورہ پڑنے پر ہسپتال منتقل کیا گیا ہے. اللہ کے فضل سے اب ان کی حالت بہت بہتر ہے. آپ سب احباب سے دعاؤں کی درخواست ہے. اللہ رب العزت والد محترم کو صحت کاملہ عطا فرمائے.

— Yousaf Jamil (@YousafjamilMTJ) December 27, 2022