راجہ پرویز اشرف نے کہا ہےکہ ہم سب کو متحد ہو کر پاکستان کو آ گے لے کر جانا ہے۔

تفصیلات کے مطابق اسپیکر قومی اسمبلی راجہ پرویز اشرف نے میڈیا سے گفتگو کرتے ہوئے کہا کہ ملک کو درپیش تمام چیلنجز سے نمٹنے کا واحد فورم صرف پارلیمان ہے۔

راجہ پرویز اشرف کا کہنا تھا کہ پارلیمان کو نظرانداز کر نے سے ملک میں غیر یقینی کی صورتحال پیدا ہو تی ہے،تمام ممبران پارلیمنٹ میں آ کر اپنے حلقوں کی نمائندگی کریں۔

انہوں نے کہا کہ ہمیں قانون سازی کے ساتھ ساتھ قانون کی عملداری کو بھی یقینی بنانا ہے، قانون کہتا ہے کہ اگر کوئی ممبر دبا ئو میں استعفیٰ دے تو اسے قبول نہ کیا جائے۔

راجہ پرویز اشرف نے یہ بھی کہا کہ اگر عمران خان چاہتے ہیں کہ الیکشن صاف شفاف ہوں تو وہ قانون سازی میں حصہ لیں،حکومت کی طرح اپوزیشن بھی بہت ضروری ہے،ضروری ہے کہ اسمبلیاں اپنی آ ئینی مدت پوری کریں۔

راجہ پرویز اشرف کا کہنا تھا کہ ملک کے سارے سیاستدان منجھے ہوئے ہیں،تمام سیاسی جماعتوں کی قیادت کو اتفاق رائے سے ملکی معاملات سنبھالنے چاہئیں، ہم سب کو متحد ہو کر پاکستان کو آ گے لے کر جانا ہے۔

اسپیکر قومی اسمبلی راجہ پرویز اشرف کا مزید کہنا تھا کہ پاکستانی سیاست میں ٹھہراؤ آنا چاہیے،استعفے منظور کرنے کے قواعد و ضوابط موجود ہیں، تمام سیاسی جماعتوں کو مل کر معیشت کو سہارا دینے کیلئے اپنا کردار ادا کرنا ہوگا۔