امن کے قیام پر کوئی سمجھوتہ نہیں کیا جائے گا، وزیراعلیٰ بلوچستان

ویب ڈیسک

24th Dec, 2022. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امن کے قیام پر کوئی سمجھوتہ نہیں کیا جائے گا، وزیراعلیٰ بلوچستان

وزیراعلیٰ بلوچستان نے کہا ہے کہ امن کے قیام پر کوئی سمجھوتہ نہیں کیا جائے گا۔

تفصیلات کے مطابق صوبے میں امن وامان کی مخدوش صورتحال پر وزیراعلیٰ بلوچستان میرعبدالقدوس بزنجو کی زیر صدارت اعلیٰ سطحی اجلاس ہوا جس میں حکومت نے ترقی کی راہ میں رکاؤٹ پیدا کرنے والوں سے آہنی ہاتھوں سے نمٹنے کے عزم کا اظہار کیا۔

اجلاس میں امن و امان کے حوالے درپیش چیلنجز اور مجموعی صورتحال پر تفصیلی بریفنگ دی گئی جبکہ گوادر میں دھرنے اور احتجاج سے پیدا صورتحال کا خصوصی جائزہ لیا گیا۔

وزیراعلیٰ بلوچستان میر عبدالقدوس بزنجو نے کہا کہ بلوچستان کا امن اولین ترجیح ہے،امن کے قیام پر کوئی سمجھوتہ نہیں کیا جائے گا۔

میرعبدالقدوس بزنجو نے کہا کہ سیکیورٹی اقدامات اور چیکنگ کے دوران عوام کو تکلیف نہ پہنچے، مطالبات پیش کرنے اور منوانے کا طریقہ کار اور فورم موجود ہیں۔

وزیراعلیٰ بلوچستان میرعبدالقدوس بزنجو نے مزید کہا کہ ہمارے محدود وسائل کا بڑا حصہ امن کے قیام پر خرچ ہوتا ہے، دھرنیں اور احتجاج سے سڑکیں بند کرنا عوام کے مفاد کے خلاف ہے۔

ایڈیشنل چیف سیکریٹری داخلہ زاہد سلیم آئی جی پولیس عبدالخالق شیخ کمشنر کوئٹہ ڈی آئی جی سپیشل برانچ اجلاس میں شریک ہوئے۔