سوشل  میڈیا پر اکثر جانور اورپرندوں کی ایسی ویڈیوز وائرل ہو جاتی ہیں جسے دیکھ کر صارفین حیران رہ  جاتے ہیں۔

ایسی ہی کچھ مچھلیوں کی ایک ویڈیو سوشل میڈیا پروائرل ہو رہی ہے جس میں انہیں فٹ بال گیم اپنے منہ کی مدد سے کھیلتا ہوا دیکھا جا سکتا ہے۔

https://twitter.com/i/status/1599007824922652677

ویڈیو میں مچھلیوں کو بہترین انداز میں گول کرتے ہوئے بھی دیکھا جا سکتا ہے۔

سوشل  میڈیا پر وائرل ہونے والی اس دلچسپ ویڈیو پر صارفین کی جانب سےمتعدد کمنٹس کیے جا رہے ہیں۔

ایک صارف نے اس ویڈیو پر کمنٹ کرتے ہوئے کہا کہ یہ تو میرے لیے اب تک بہترین گول ہے۔

جبکہ ایک صارف نے کمنٹ کیا کہ مجھے لگتا ہے کہ فیفا ورلڈ کپ کا بخار مچھلیوں کو بھی چڑھ گیا ہے۔

 اس سے قبل جیلی فش کی خوبصورت وائرل ہونے والی ویڈیو دیکھ کر صارفین حیران رہ گئےتھے۔

سوشل میڈیا پر ایک جیلی فش کی ویڈیو تیزی سے وائرل ہوئی جس میں اس کی خوبصورتی کو واضح طور پر دیکھا گیا۔

وائرل ہونے والی ویڈیو کی سب سے خاص بات جیلی فش کی خوبصورتی تو ہے ہی لیکن اس کا چلنے کا انداز صارفین کو اپنی جانب متوجہ کررہا تھا۔

آپ  سب لوگ سوچ رہے ہو گے کہ مچھلی تو تیرتی ہے پھر یہ جیلی فش جسے اسٹار فش کے  نام سے بھی جانا جاتا ہے چل کیسے رہی ہے؟

آئیے ہم آپ  کو بتاتے ہیں کہ جیلی فش جسے اسٹار فش کے نام سے بھی جانا جاتا ہے ان کی بہت سے اقسام ہوتی ہیں اور اس ہی وجہ سے ہر اسٹار فش اسٹار کے شیپ کی بھی نہیں ہوتی ہے۔

 اسٹار فش مختلف شکل، سائز اور رنگوں میں پائی جاتی ہے۔

اسٹار فِش یا سمندری ستارے خوبصورت سمندری جانور ہیں جو Asteroidea کلاس سے تعلق رکھتے ہیں۔ یہ سچ ہے کہ اسٹار فش میں کچھ ایسی قسمیں بھی  ہے جو تیرنے کے بجائے چلتی ہے جی ہاں ایسی اسٹار فش پوڈیا کہلاتی ہیں۔

جیلی فش کا شمار ایک ایسی آبی مخلوق میں کیا جاتا ہے جو منفرد ہونے کی وجہ سے انسانوں کی  دلچسپی کا سبب بنتی ہے۔

 سوشل  میڈیا پر اسٹار فش کی اس خوبصورت ویڈیو کو ایڈم جے کالہون نے اپریل 2020 میں ٹویٹر پرپوسٹ کیا تھا لیکن اب دوبارہ 21 نومبر کو  Fascinating نامی صارف نے اس ویڈیو کو ٹویٹر اکاؤنٹ پر پوسٹ کیا جو صارفین کی توجہ  کا مرکز بن گئی۔

واضح رہے کہ زمین نباتات اورحیوانات سیارے کومزید دلچسپ اور خوبصورت بنانے میں اہم کردار ادا کرتے ہیں۔