اسپین کے شہر میڈرڈ میں قائم ریاستہائے متحدہ کے سفارت خانے کو پارسل بم سے نشانہ بنانے کی کوشش کی گئی ہے۔

ایک اسپینش ٹی وی کی رپورٹ کے مطابق پوسٹل پیکجوں میں چھپائے گئے دھماکہ خیز مواد کا ایک پارسل امریکی سفارتخانے کو موصول ہوا، جسے سیکیورٹی اہلکاروں نے ناکارہ بنا دیا۔

ٹی وی رپورٹ کے مطابق یہ پارسل بم امریکی اور یوکرین کے سفارتخانوں سمیت ایک ہتھیار بنانے والے ادارے اور ہسپانوی حکومت کے تین اداروں کو بھی بھیجے گئے تھے۔

اسپینش ٹی وی اسٹیشن کے مطابق میڈرڈ میں ریاستہائے متحدہ کے سفارت خانے کو اسپین میں یوکرین کے سفارت خانے اور ملک میں دیگر اہداف کو بھیجے گئے پانچ لیٹر بموں کی طرح کا ایک خط موصول ہوا ہے۔

Advertisement

JUST IN: #BNNSpain Reports

Another package containing a bomb was discovered by the Spanish security services and was delivered to an air force base near Madrid.

— Gurbaksh Singh Chahal (@gchahal) December 1, 2022

اسپین کے نائب وزیر داخلہ رافیل پیریز نے آج نامہ نگاروں کو بتایا کہ میڈرڈ میں یوکرین کے سفارت خانے، ایک ہسپانوی ہتھیار بنانے والی کمپنی اور تین سرکاری اداروں سمیت پانچ دیگر دفاتر کو موصول ہونے والے لیٹر بم ملک کے اندر سے بھیجے گئے تھے۔

رافیل پیریز کا کہنا تھا کہ ایسا معلوم ہوتا ہے کہ وہ سب ملک کے اندر سے بھیجے گئے تھے لیکن ہم ابھی تک گہرائی سے تکنیکی رپورٹ کے بغیر اسے ابتدائی بصری معائنہ پر مبنی کر رہے ہیں.

وزارت داخلہ نے جمعرات کو کہا کہ وزیر اعظم پیڈرو سانچیز کو مخاطب کیا گیا پائروٹیکنک مواد والا لفافہ 24 نومبر کو موصول ہوا تھا اور ان کی سیکیورٹی ٹیم نے اسے غیر مسلح کر دیا تھا۔

واضح رہے کہ یوکرین کے سفارت خانے کو گزشتہ روز اسی طرح کا پیکیج موصول ہوا تھا جسے سفیر سرہی پوہوریلٹسیف کے نام کیا گیا تھا اور جب اسے ایک سیکیورٹی اہلکار نے کھولا تو دھماکہ ہوگیا۔

پولیس نے بتایا کہ بدھ کی رات شمال مشرقی اسپین کے زراگوزا میں ہسپانوی ہتھیار بنانے والی کمپنی انسٹالزا کے ہیڈ کوارٹر میں ایک اور پیکج موصول ہوا۔

انسٹالزا راکٹ لانچر بنانے والی کمپنی ہے اور اس کے تیار کردہ راکٹ لانچرز یوکرین کو فراہم کئے گئے ہیں۔

اسپین کی وزارت دفاع نے بتایا کہ ہسپانوی سیکورٹی فورسز کو جمعرات کے اوائل میں میڈرڈ کے قریب ٹوریجون ڈی آردوز میں ایئر فورس کے اڈے پر واقع یورپی یونین کے سیٹلائٹ سینٹر کو بھیجے گئے ایک لفافے میں ایک آلہ بھی ملا۔

وزارت دفاع کے ترجمان نے بتایا کہ جمعرات کی صبح سپین کی وزارت دفاع کو پانچواں آلہ موصول ہوا اور اسے ماہر پولیس افسران نے ناکارہ بنا دیا۔

تحقیقات کے قریبی ذرائع نے خبر رساں ادارے کو بتایا کہ یہ آلات ایک جیسے بھورے رنگ کے لفافوں میں تھے اور ہر ادارے کے سربراہان کے نام بھیجے گئے تھے۔