عمران خان پر حملے کا ملزم نوید 10 روزہ جسمانی ریمانڈ پر جے آئی ٹی کے حوالے

ویب ڈیسک

12th Dec, 2022. 03:09 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمران خان پر حملے کا ملزم نوید 10 روزہ جسمانی ریمانڈ پر جے آئی ٹی کے حوالے

عدالت نے عمران خان پرقاتلانہ حملے کے ملزم نوید کو دس روزہ جسمانی ریمانڈ پر جے آئی ٹی کے حوالے کر دیا۔

تفصیلات کے مطابق چیئرمین تحریک انصاف عمران خان کے کنٹینر پر فائرنگ سے متعلق گوجرنوالہ میں کیس کی سماعت ہوئی۔

مرکزی ملزم نوید مہرکو انسدادِ دہشتگردی کی خصوصی عدالت پیش کیا گیا۔ ملزم کی پیشی کے موقع پر جے آئی ٹی کے سربراہ غلام محمود ڈوگر بھی عدالت میں موجود تھے۔

پولیس کی طرف سے ملزم کا عبوری چالان پیش کیا گیا جس میں پولیس کی جانب سے کہا گیا کہ ملزم کے قبضہ سے موٹر سائیکل برآمد کر لی گئی۔

انسدادِ دہشتگردی کی خصوصی عدالت نے ملزم نوید کو دس روزہ جسمانی ریمانڈ پر جے آئی ٹی کے حوالے کر دیا۔

ملزم نوید مہرکو 22 دسمبر کو دوبارہ عدالت پیش کیا جائے گا۔ پیشی کے بعد ملزم نوید کوانسداد دہشتگردی کی خصوصی عدالت سے روانہ کر دیا گیا۔