پی ٹی آئی رہنماء اسد عمر نے کہا ہے کہ بلدیاتی انتخابات میں امپورٹڈ حکومت کو شکست کا سامنا کرنا پڑے گا۔

تفصیلات کے مطابق پاکستان تحریک انصاف کے رہنماء اسد عمر نے اپنے ایک ویڈیو بیان میں کہا کہ امپورٹڈ حکومت خوف کی انتہا میں عوام کا سامنا کرنے سے بھاگ رہی ہے۔

انہوں نے کہا کہ یہ عام انتخابات کا انعقاد تو پہلے ہی نہیں کروا رہے اور امپورٹڈ حکومت خوف کی انتہا میں عوام کا سامنا کرنے سے بھاگ رہی ہے، یہ عام انتخابات کا انعقاد تو پہلے ہی نہیں کروا رہے۔

اسد عمر کا کہنا تھا کہ جون میں اسی حکومت نے اسلام آباد کی 50 یوسیز کو 101 تک بڑھانے کا فیصلہ کیا اور پھر اسلام آباد بلدیاتی انتخابات کا شیڈول جاری کیا گیا۔

انہوں نے کہا کہ امپورٹڈ حکومت نے کل ایک اور نوٹیفیکیشن جاری کیا کہ جون سے دسمبر تک آبادی بڑھ گئی اور 125 یوسیز چاہئیں، عوام جانتے ہیں کہ اس ضمن میں بدنیتی پر مبنی اقدامات کئے جا رہے ہیں۔

پی ٹی آئی رہنماء کا کہنا تھا کہ امپورٹڈ حکومت کو سمجھ ہے کہ اسلام آباد کے بلدیاتی انتخابات میں انکو بری طرح شکست کا سامنا کرنا پڑے گا۔

مزید پڑھیں؛ عمران خان پر توشہ خانہ کیس میں صرف سیاسی انتقام لینے کی کوشش ہو رہی ہے، اسد عمر

اسد عمر کا یہ بھی کہنا تھا کہ پی ٹی آئی رہنماء اسد عمر کا مزید کہنا تھا کہ اگر بلدیاتی انتخابات کی تاریخ تبدیلی کی کوشش ہوئی تو اس کے خلاف عدالت سے رجوع کریں گے، امید ہے عدالت سے اسلام آباد کے عوام کو سپورٹ ملے گی۔

پی ٹی آئی رہنماء اسد عمر کا مزید کہنا تھا کہ امپورٹڈ حکومت کو شرم سے ڈوب مرنا چاہئے جیسے انتخابات سے بھاگ رہے ہیں، انکی کوشش صرف اقتدار سے چمٹے رہنے کی ہے چاہے ملک کا کتنا بھی نقصان کیوں نہ ہو جائے۔