کراچی میں ڈکیتی مزاحمت پر ایک اور نوجوان قتل

ویب ڈیسک

31st Dec, 2022. 07:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کراچی میں ڈکیتی مزاحمت پر ایک اور نوجوان قتل

کراچی کے علاقے نارتھ کراچی سیکٹر 8 میں ڈکیتی مزاحمت پر جان گنوانے والا نوجوان بی بی اے کا طالب علم تھا۔

تفصیلات کے مطابق کراچی کے علاقے نارتھ کراچی سیکٹر 8 میں ڈاکوؤں نے گھر کی دہلیز پر 26 سالہ جہانگیر کو لوٹنے کی کوشش کی اور مزاحمت پر ملزمان نے فائرنگ کرکے مقتول کو زخمی کردیا۔

ابتدائی معلومات کے مطابق مقتول جہانگیر فوٹوگرافی کرکے واپس لوٹا تھا کہ نامعلوم ملزمان نے ڈکیتی کے دوران مزاحمت پر قتل کردیا۔ پولیس کو جائے وقوع سے گولیوں کے خول اور گولیاں بھی ملے ہیں۔

یہ بھی پڑھیں؛ کراچی میں ایک اور نوجوان پولیس فائرنگ سے جاں بحق

مقتول جہانگیر کو شدید زخمی حالت میں اسٹیڈیم روڈ پر واقع نجی اسپتال منتقل کیا گیا جہاں وہ دوران علاج دم توڑ گیا۔

لواحقین نے بتایا کہ مقتول جہانگیر بی بی اے کا طالب علم تھا جو شادی بیاہ کی تقاریب میں فوٹو گرافی بھی کرتا تھا اور واقعے سے قبل بھی وہ فوٹو شوٹ کرکے گھر کے قریب پہنچا تھا۔

پولیس کا کہنا ہے کہ نوجوان کے قتل کا مقدمہ مقتول کے بھائی کی مدعیت میں درج کرلیا گیا ہے۔