اسرائیلی فوج نے جنین میں ایک چھاپے کے دوران تین فلسطینیون کو گولی مار کر شہید کر دیا ہے،

تفصیلات کے مطابق فلسطینی وزارت صحت نے آج صبح تصدیق کی ہے کہ اسرائیلی فوج کی فائرنگ سے تین فلسطینی شہید ہو گئے ہیں۔ شہید ہونے والے تینوں کی شناخت 29 سالہ صدیقی زکارنہ، 46 سالہ عطا شلابی اور 29 سالہ طارق الدماج کے نام سے کی۔

واضح رہے کہ یہ تینوں افراد مقبوضہ مغربی کنارے میں اسرائیلی فوج کے تقریباً روزانہ چھاپوں کی ایک ماہ سے جاری اسرائیلی مہم میں شہید ہونے والے تازہ ترین افراد ہیں۔

غیر ملکی میڈیا کی رپورٹ کے مطابق زکارنہ اور الدماج کا تعلق جینین پناہ گزین کیمپ سے تھا، جب کہ شلابی کا تعلق جنین کے جنوبی مضافات میں واقع قصبہ قبتیہ سے تھا۔

مقامی صحافیوں نے غیر ملکی میڈیا کو بتایا کہ چھاپے کے دوران اسرائیلی فائرنگ سے کم از کم دو دیگر فلسطینی زخمی ہوئے، جن میں سے ایک کی حالت تشویشناک ہے۔

تینوں افراد کے سوگ کے لیے جینن گورنریٹ میں عام ہڑتال کا اعلان کیا گیا ہے اور علاقے میں اسکول، کاروبار اور دکانیں بند رہیں۔

اسرائیلی فوج نے جس میں خصوصی دستے بھی شامل ہیں، آج علی الصبح جینین اور اس کے پناہ گزین کیمپ پر چھاپہ مارا اور متعدد فلسطینیوں کو گرفتار کر لیا.