پاکستان نرسنگ کونسل کے صدر کو فوری کام سے روکنے کی استدعا مسترد

فیاض محمود

06th Dec, 2022. 12:06 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان نرسنگ کونسل کے صدر کو فوری کام سے روکنے کی استدعا مسترد

عدالتِ عالیہ اسلام آباد نے پاکستان نرسنگ کونسل کے صدر کو فوری کام سے روکنے کی استدعا مسترد کردی۔

تفصیلات کے مطابق اسلام آباد ہائی کورٹ میں پاکستان نرسنگ کونسل کی نو منتخب صدر رکن قومی اسمبلی ڈاکٹر شازیہ صوبیہ کی تعیناتی کیخلاف کیس کی سماعت ہوئی۔

عدالت نے صدر پاکستان نرسنگ کونسل کو فوری کام سے روکنے کی استدعا مسترد کرتے ہوئے کہا کہ فریقین کو سننے کے بعد حکم جاری کریں گے۔

الیکشن کمیشن کے علاوہ دیگر فریقین نے جواب ہائیکورٹ میں جمع کرا دیا جبکہ الیکشن کمیشن کو دوبارہ نوٹس جاری کرتے ہوئے عدالت نے 11 جنوری تک جواب طلب کر لیا۔

اسلام ہائی کورٹ کی جسٹس ثمن رفعت امتیاز نے کیس کی سماعت کی۔

وکیل درخواست گزار نے مؤقف اپنایا کہ صدر پاکستان نرسنگ کونسل کو کام کرنے سے روکا جائے۔ صدر نرسنگ کونسل رجسٹرار کو معطل کرکے ڈے ٹو ڈے میٹر دیکھ رہی ہیں۔

جسٹس ثمن رفعت امتیاز نے ریمارکس دیے کہ فوری کام سے روکنے کا حکم نہیں دے سکتے، دیگر فریقین کا جواب ضروری ہے۔

عدالت نے کہا کہ اس کیس میں کوئی مختصر تاریخ دے دیتے ہیں۔

مزمل یاسین نامی شہری نے عدالت سے رجوع کررکھا ہے۔

اسلام آباد ہائی کورٹ نے الیکشن کمیشن کو دوبارہ نوٹس جاری کرتے یوئے سماعت 11 جنوری تک ملتوی کر دی۔