سندھ ہائی کورٹ نے لڑکیوں کی اسمگلنگ کے لیے اعلی سطح پر تحقیقات کا حکم دے دیا۔ 

تفصیلات کے مطابق کراچی میں کم عمر لڑکیوں کی اسمگلنگ اسکینڈل سامنے آگیا جس پر سندھ ہائی کورٹ نے علی سطح پر تحقیقات کا حکم دے دیا۔

سندھ ہائی کورٹ نے محکمہ داخلہ کو جے آئی ٹی تشکیل دینے اورہیومن ٹریفکنگ کے معاملے پر ایف آئی اے کو بھی تحقیقات کا حکم دے دیا۔

عدالتِ عالیہ نے ایس ایس پی سٹی، ایف آئی اے حکام کو آئندہ سماعت پر طلب کرلیا اور ریمارکس دیے کہ لڑکی مسکان کے میں چونکا دینے والے انکشافات سامنے آئے ہیں۔ بظاہر لگتا ہے عمان کم لڑکیوں کی اسمگلنگ ہوتی ہے

جسٹس صلاح الدین پہنورنے کہا کہ کراچی سے چودہ سالہ کم عمر لڑکی کو اغوا کیا گیا۔ لڑکی کے بیان کے مطابق تین بار اسے فروخت کیا گیا۔ یہ لڑکی تو ہمت کرکے فرار ہونے میں کامیاب ہوگئی۔

عدالت نے کہا کہ لڑکی نے بیان میں بتایا جہاں اس کو رکھا گیا تھا وہاں 14،15 اور لڑکیاں بھی موجود تھیں۔ یہ ایک سنجیدہ معاملہ اسے ایسے نہیں چھوڑا جاسکتا۔ پولیس اور ادارے تحقیقات کریں تاکہ مزید بچیوں کی اسمگلنگ روکی جاسکے۔

عدالت نے کم عمر لڑکی کو مبینہ جھانسہ دے کر شادی کرنے والے ملزم عدنان کو ضمانت پر رہا کرنے کا حکم دے دیا۔

ملزم نے بیان دیا کہ مسکان کے اغوا سے میرا کوئی تعلق نہیں اسے سونیا نے پھنسایا تھا۔ سونیا سے فیس بک کے ذریعے دوستی کے بعد شادی کی۔ سونیا کے کام کے بعد میں علم نہیں۔

لڑکی کے اغوا اور مبینہ شادی کا مقدمہ تھانہ عید گاہ میں درج ہے۔ عدالت نے 9 جنوری کو تفصیلات طلب کرلیں۔