صوبائی وزیر داخلہ میر ضیاء اللہ لانگو نے کہا ہے کہ عوام کو بہت جلد دہشت گردوں سے نجات دلائیں گے۔

تفصیلات کے مطابق صوبائی وزیر داخلہ میر ضیاء اللہ لانگو نے بول نیوز سےخصوصی گفتگو کرتے ہوئے کہا کہ افغانستان میں نئی حکومت بننے کے بعد ان سے بات کی گئی، افغانستان سےکہا20سال سےافغان سرزمین پاکستان کےخلاف استعمال ہورہی ہے۔

صوبائی وزیر داخلہ کا کہنا تھا کہ افغان حکومت نےکہا تھا دہشتگردوں کو اپنے ملک سے نکال لیں گے یا انہیں حملے روکنےکا کہیں گے، اس حوالے سے طالبان سے مذاکرات سےکاعمل بھی جارہی رہا۔

میر ضیاء اللہ لانگو نے کہا کہ دہشت گردوں کا مقصد اسلام نہیں صرف پاکستان میں دہشت گردی کرنا ہے۔

صوبائی وزیر داخلہ کا کہنا تھا کہ بھارت پاکستان میں امن و استحکام نہیں چاہتا، دہشت گرد دوبارہ منظم ہوکرپاکستان پردہشت گرد حملے کررہے ہیں۔

ان کا یہ بھی کہنا تھا کہ فورسز اور عوام کی طاقت سے پہلے بھی انہیں مار بھگایا تھا، بلوچستان میں تھریٹ الرٹ جاری کیےگئےتھے، عوام کو بہت جلد دہشت گردوں سے نجات دلائیں گے۔

صوبائی وزیر داخلہ میر ضیاء اللہ لانگو کا مزید کہنا تھا کہ دہشت گردوں کے نیٹ ورک تک پہنچ گئے ہیں جبکہ دہشت گرد اب دوبارہ پاکستان کی جانب آرہے ہیں، بھارت کی جانب سے دہشت گردوں کوفنڈنگ کی جارہی ہے، دہشت گردوں کے خلاف سخت ایکشن لیں۔