سلیم مانڈوی والا نے کہا ہے کہ پوری قوم وزیر خارجہ بلاول بھٹو زرداری کے ساتھ کھڑی ہے۔

تفصیلات کےمطابق پیپلز پارٹی کے سینیٹر سلیم مانڈوی والا نے اپنے ایک بیان میں کہا کہ بے جے پی کی طرف سے وزیر خارجہ بلاول بھٹو زرداری کے سر کی قیمت لگانے کی شدید مذمت کرتے ہیں جبکہ شدت پسند رہنماء کی جانب سے بلاول بھٹو زرداری کے سر کی قیمت لگانے کی شدید مذمت کرتے ہیں۔

سلیم مانڈوی والا نے کہا کہ بلاول بھٹو زرداری کے سر کی قیمت لگانا بی جے پی کی بوکھلاہٹ کا ثبوت ہے، پوری قوم وزیر خارجہ بلاول بھٹو زرداری کے ساتھ کھڑی ہے۔

پیپلز پارٹی کے سینیٹر سلیم مانڈوی والا نے مزید کہا کہ پیپلزپارٹی کا دہشتگردی کے خلاف واضح موقف رہا ہے، وزیر خارجہ بلاول بھٹو زرداری نے جو بیان دیا وہ ایک حقیقت ہے۔

مزید پڑھیں؛ بھارت میں میرے سر کی قیمت دو کروڑ روپے لگائی گئی ہے، بلاول بھٹو

واضح رہے اس سے قبل چیئرمین پی پی پی اور وزیر خارجہ بلاول بھٹو زرداری نے امریکی ٹی وی بلومبرگ کو انٹرویو دیتے ہوئے کہا کہ مودی کی پارٹی کے ایک رکن نے میرے سر پر دو کروڑ روپے کی بولی کا اعلان کیا ہے۔

انہوں نے کہا کہ بی جے پی رہنما کی جانب سے میرے سر کی دوکروڑ روپے کی بولی لگانے کا اعلان اس بات کا ثبوت ہے کہ مودی گجرات کا قصاب ہے جبکہ میرے سر پر دوکروڑ روپے کی بولی لگا کر ہندوستان کی بی جے پی سرکار نے دراصل اپنی حدود سے تجاوز کیا ہے۔

ان کا کہنا تھا کہ مودی کو گجرات قصاب کا لقب میں نے نہیں دیا بلکہ یہ ایک تاریخی حقیقت ہے جس کا میں نے حوالہ دیا ہے جبکہ گجرات کے قصاب کی اصطلاح میں نے ایجاد نہیں کی بلکہ گجرات فسادات کے بعد بھارتی مسلمانوں نے مودی کو یہ لقب دیا ہے۔

وزیر خارجہ بلاول بھٹو زرداری نے مزید کہا کہ میں نے مودی کے لئے ایک تاریخی حقیقت کو دہرایا جبکہ بی جے پی یہ سمجھتی ہے کہ میں نے کوئی ذاتی حملہ کیا ہے۔