پاکستان تحریک انصاف کے 123 ارکان اسمبلی کی جانب سے رواں ہفتے جمعرات کے روز اسپیکر قومی اسمبلی کے سامنے پیش ہونے کا فیصلہ کیا گیا ہے۔

تفصیلات کے مطابق پی ٹی آئی ارکان نے قومی اسمبلی کی رکنیت سے مستفی ہونے کے معاملے پر 123 ارکان نے جمعرات کو اسپیکر کے سامنے پیش ہونے کا فیصلہ کیا ہے۔

اس حوالے سے ذرائع کا کہنا ہے کہ پی ٹی آئی ارکان اسمبلی 22 دسمبر کو کے پی ہاؤس اسلام آباد میں جمع ہوں گے  جبکہ ارکان ممکنہ طور پر شاہ محمود قریشی کی سربراہی میں پارلیمنٹ آئیں گے اور شاہ محمود قریشی ارکان کو لے کر اسپیکر کے سامنے پیش ہوں گے

یہ بھی پڑھیں؛ تحریک انصاف اور مسلم لیگ (ق) اگلے انتخابات میں بھی مل کر چلیں گے، عمران خان

ذرائع نے بتایا کہ ارکان اسپیکر راجہ پرویز اشرف کے رو برو مستفعی ہونے کی تصدیق کریں گے۔

عمران خان کی ہدایت:

دوسری جانب اس معاملے پر عمران خان نے تمام ارکان کو اسلام آباد پہنچنے کی ہدایت کرتے ہوئے کہا ہے کہ تمام ارکان اجتماعی طور پر پارلیمنٹ ہاؤس جائیں۔

علاوہ ازیں سابق وزیراعظم اور پاکستان تحریک انصاف کے چیئرمین عمران خان نے اپنے تمام ایم پی ایز کو لاہور میں موجود رہنے کی ہدایت کردی ہے۔

اہم اجلاس طلب:

عمران خان نے تحریک انصاف کی اہم قیادت کا اجلاس بھی طلب کرلیا ہے جس میں عدم اعتماد کے معاملے پر سینیر قیادت سے مشاورت کی جائیگی ۔

اسکے علاوہ عمران خان نے تمام ایم پی ایز کو لاہور میں رہنے کی ہدایات بھی جاری کردی ہیں۔

پی ڈی ایم نے وزیراعلیٰ پنجاب کے خلاف تحریک عدم اعتماد جمع کرا دی

پاکستان ڈیموکریٹک موومنٹ (پی ڈی ایم) نے وزیراعلیٰ پنجاب پرویز الہٰی کے خلاف تحریک عدم اعتماد جمع کرا دی۔

یہ بھی پڑھیں: جمعے کو دما دم مست قلندرہوگا، عمران خان