کوبرا سانپ نے خود پر فائرنگ کرنے والے شخص پر حملہ کر دیا جس کی ویڈیو سوشل میڈیا پر وائرل ہو گئی ہے۔

غیر ملکی میڈیا کے مطابق سوشل میڈیا پر ایک ویڈیو وائرل ہو رہی ہے جس میں ایک نامعلوم شخص کوبرا سانپ کو مارنے کے لیے پستول کا استعمال کرتا ہے مگر ناکام ہو جاتا ہے، جس کے فوراً بعد کوبرا نے حملہ آور پر حملہ کر دیا۔

وائرل ہونے والی ویڈیو میں دیکھا جا سکتا ہے کہ ایک کچے راستے پر ایک کوبرا سانپ پھن پھیلائے بیٹھا تھا جس کو مارنے کے لیے ایک کار سوار نے اپنی پسٹل سے دو فائر کئے جو سانپ کو نہیں لگے۔

سماجی رابطے کی ویب سائٹ ٹویٹر پر اپ لوڈ کیے گئے کلپ میں ایک شخص آتشی اسلحہ پکڑے اپنی گاڑی کے اندر بیٹھا نظر آ رہا ہے۔ اس نے آتشیں اسلحہ سے زمین پر موجود کوبرا سانپ کو نشانہ بنایا اور ایک بار گولی چلائی جو سانپ کو نہیں لگی۔

یہ بھی پڑھیں: لڑکی پر کوبرا کا حملہ، دل دہلا دینے والی ویڈیو وائرل

آتشی اسلحہ بردار شخص نے سانپ پر دوبارہ گولی چلائی لیکن سانپ اس گولی سے بھی بچ گیا اور حیرت انگیز طور پر سانپ نے انتہائی سرعت کے ساتھ کار سوار شخص کی جانب بڑھا۔

کار سوار شخص سانپ کو اپنی جناب آتا دیکھ کر گھبرا جاتا ہے اور فوری طور پر دروازہ بند کر لیتا ہے۔

https://twitter.com/Instantregretss/status/1603588273292525570?ref_src=twsrc%5Etfw%7Ctwcamp%5Etweetembed%7Ctwterm%5E1603588273292525570%7Ctwgr%5Ea6ce45e91b53379bbdacc326bbea34a23015473f%7Ctwcon%5Es1_&ref_url=https%3A%2F%2Fwww.ndtv.com%2Foffbeat%2Fdont-bring-a-gun-to-a-cobra-fight-man-encounter-with-a-cobra-goes-wrong-3644501

ٹوئٹر پر اس ویڈیو کو تقریباً 1.8 لاکھ مرتبہ دیکھا گیا ہے اور صارفین اس پر مختلف تبصرے کر رہے ہیں۔

ایک صارف نے لکھا کہ ہمیں اپنے ماحولیاتی نظام میں سانپوں کی اہمیت کو سمجھنے کی کوشش کرنی چاہیے۔ ہمیں تفریح کی خاطر انہیں مارنے کا کوئی حق نہیں ہے.

یہ بھی پڑھیں: اسکول بس میں کوبرا کیسے آیا؟ ویڈیو وائرل

سوشل میڈیا پر وائرل ہونے والی اس ویڈیو کے بارے میں بتایا جا رہا ہے کہ یہ بھارت کے کسی علاقے کی ہے۔

واضح رہے کہ کچھ دن پہلے بھی ایک کوبرا سانپ کی ویڈیو منظر عام پر آئی تھی جس میں کوبرا سانپ ایک گھر کے دروازے کے پیچھے سے نکلتا ہوا نظر آتا ہے جس کا پھن پھیلا ہوا تھا اور اس نے ویڈیو بنانے والے شخص پر حملہ کرنے کی کوشش کی تھی۔