کراچی کے علاقے عوامی کالونی تھانے میں دو ٹک ٹاکرز نے قانون کی دھجیاں اڑا دیں۔

تفصیلات کے مطابق عوامی کالونی تھانے میں ایس ایچ او کے کمرے میں دو ٹک ٹاکرز ہاتھ میں ہاتھ میں پستول اور منہ میں گٹکا لیے ، پولیس کی موجودگی میں اسلحے کی نمائش کرتے رہے۔

ایس ایچ او عوامی کالونی کے کمرے میں باری باری دونوں ٹک ٹاکرز کو پستول چیمبر کرکے ویڈیو بناتے دیکھا جاسکتا ہے۔ رانا بلال نامی ٹک ٹاکر نے ویڈیوز سوشل میڈیا پر اپلوڈ کردی تھیں۔

یہ بھی پڑھیں؛ 21 سالہ ٹک ٹاکر خوفناک کار حادثے میں جاں بحق

سوشل میڈیا پر تھانہ عوامی کالونی کے اندر ٹک ٹاکر بلال اور کاشف نامی شخص کی اسلحہ نماٸش کی ویڈیو واٸرل ہونے پر پولیس نے ایکشن لے لیا۔ پولیس کا کہنا ہے کہ حکام کی جانب سے ویڈیوز بنانے پر سختی سے پابندی عائد ہے۔

ایس ایس پی کورنگی ساجد امیر سدوزٸی نے واٸرل ویڈیو پر نوٹس لیتے ہوئے ٹک ٹاکرز کیخلاف فوری کارواٸی کا حکم دیا جس کے بعد پولیس نے فوری کارواٸی عمل میں لاتے ہوئے ٹک ٹاکر بلال اور کاشف کو کے ایریا مارکیٹ کے علاقے سے گرفتار کرلیا۔

 ٹک ٹاکر بلال نامی شخص تھانہ عوامی کالونی ایس ایچ او کے کمرے میں داخل ہوا اور ٹک ٹاک ویڈیو بناکر سوشل میڈیا پر واٸرل کیں۔ تھانہ عوامی کالونی میں ٹک ٹاکر بلال اور کاشف کیخلاف مقدمہ درج کیا گیا ہے۔