پاکستان اور انگلینڈ کے درمیان تین ٹیسٹ میچز کی سیریز کا پہلا ٹیسٹ دلچسپ مرحلے میں داخل ہو چکا ہے۔
تفصیلات کے مطابق راولپنڈی ٹیسٹ کے آج چوتھے دن انگلینڈ نے اپنی دوسری اننگ میں 7 وکٹوں کے نقصان پر 264 رنز بنا کر اننگ ڈیکلیئر کر دی۔
انگلینڈ نے پاکستان کو میچ جیتنے کے لیے 343 رنز کا ہدف دیا، ہدف کے تعاقب میں پاکستان کی دو وکٹیں جلد گر گئیں، اوپنر عبداللہ شفیق 6 رنز اور بابر اعظم 4 رنز بنا کر پویلین لوٹ گئے۔
راولپنڈی ٹیسٹ کے چوتھے دن آخری سیشن میں پاکستانی ٹیم ہدف کے تعاقب میں مشکلات کا شکار نظر آئی، پاکستان کے سینئیر کھلاڑی اظہر علی بھی انگلی میں چوٹ لگنے کے باعث بیٹنگ جاری نہ رکھ سکے۔
اس موقع پر امام الحق اور ڈیبیو بیٹسمین سعود شکیل نے محتاط انداز میں بیٹنگ کی اور ٹیم کے اسکور کو مزید کسی اور نقصان کے 80 رنز تک لے جانے میں کامیاب ہوئے۔
Advertisement
امام الحق 43 رنز کے ساتھ کریز پر موجود ہیں جبکہ ان کے ساتھ سعود شکیل 24 رنز پر ناٹ آؤٹ ہیں۔
انگلینڈ کی جانب سے بین اسٹوکس اور اوولی روبنسن نے ایک ایک وکٹ حاصل کی۔
پاکستان کو ٹیسٹ کے پانچویں دن میچ جیتنے کے لیے 263 رنز کی مزید ضرورت ہے جبکہ انگلینڈ کو 8 وکٹوں کا شکار کرنا ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
