نیب ترامیم کیخلاف درخواست پرعمران خان کے وکیل کو کل دلائل مکمل کرنے کی ہدایت

طیب بلوچ

07th Dec, 2022. 03:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

نیب ترامیم کیخلاف درخواست پرعمران خان کے وکیل کو کل دلائل مکمل کرنے کی ہدایت
افغانستان آگ اور خون کا کھیل کھیل رہا ہے، بھارت کی طرح دماغ ٹھکانے آ جائے گا، محسن نقوی
پاک فضائیہ حرکت میں آگئی، کابل سمیت اہم افغان شہروں پر جنگی طیاروں اور ڈرونزکی پروازیں
افغانستان کا بلا اشتعال حملہ، پاکستان کا بھرپورجوابی وار، متعدد چوکیاں تباہ، کئی افغان فوجی اور خوارجی ہلاک

Now Reading:

نیب ترامیم کیخلاف درخواست پرعمران خان کے وکیل کو کل دلائل مکمل کرنے کی ہدایت

سپریم کورٹ نے نیب ترامیم کیخلاف درخواست پرعمران خان کے وکیل کوکل دلائل مکمل کرنے کی ہدایت کر دی۔

سپریم کورٹ میں نیب ترامیم کے خلاف سربراہ پی ٹی آئی عمران خان کی درخواست پر سماعت ہوئی۔

چیف جسٹس پاکستان عمرعطا بندیال کی سربراہی میں تین رکنی خصوصی بینچ نے کیس کی سماعت کی۔

سابق وزیر اعظم عمران خان کے وکیل خواجہ حارث نے دلائل دیتے ہوئے کہا کہ حکمران عوامی اعتماد لے کر بنتے ہیں۔

وکیل عمران خان، خواجہ حارث نے کہا کہ شریعت کے مطابق عوامی اعتماد برقرار رکھنے کے لیے احتساب ضروری ہے۔ جب حکمران اپنے عمل پر پردہ ڈالتے ہیں تو عومی اعتماد ٹوٹتا ہے

عمران خان کے وکیل نے دلائل دیے کہ نیب ترامیم کے تحت کسی تھرڈ پارٹی کو اربوں کا فائدہ پہنچانا اب جرم نہیں۔ پبلک آفس ہولڈرز کی پراپرٹی عوامی ملکیت ہوتی ہے۔

خواجہ حارث نے دلائل میں کہا کہ پبلک پراپرٹی میں کرپشن سے عوام کے بنیادی حقوق براہ راست متاثر ہوتے ہیں۔

جسٹس منصور علی شاہ نے ریمارکس دیے کہ آپ کے دلائل کے مطابق تو نیب ترامیم منظور کرنے والی پارلیمان نے عوامی اعتماد توڑا، اس طرح تو نیب ترامیم منظور کرنے والے تمام اراکین کو آرٹیکل 62 ون ای کے تحت نااہل ہو جانا چاہئے۔

سپریم کورٹ نے عمران خان کے وکیل خواجہ حارث کو کل دلائل مکمل کرنے کی ہدایت کرتے ہوئے کیس کی سماعت کل 8 دسمبر تک ملتوی کردی۔