ذرائع کا کہنا ہے کہ لیگی قیادت نے اپنے لوگوں کو ادھر ادھر ہونے کے معاملے پررہنماؤں کو ٹاسک سونپ دئیے۔

تفصیلات کے مطابق اسپیکراورڈپٹی اسپیکر پنجاب اسمبلی کے خلاف تحریک عدم اعتماد کے معاملے میں پی ڈی ایم کی پریشانی میں اضافہ ہونے لگا، تحریک عدم اعتماد جمع تو کروا دی نمبر کیسے پورے کریں؟

ذرائع کا کہنا ہے کہ مسلم لیگ ن کی قیادت کا ممبران پنجاب اسمبلی سے مشاورت کا سلسلہ بھی جاری۔ اپنے ہی لوگ ادھر ادھر نہ ہوجائیں،لیگی قیادت نے رہنماؤں کو ٹاسک سونپ دیے ہیں۔

ذرائع کے مطابق پی ٹی آئی رہنما فواد چوہدری کے بیان پی ڈی ایم میں کھلبلی مچ چکی ہے، لیگی قیادت کی باغی ارکان کو روکنے کے لیے 2 دو گروپس کی صورت میں ارکان پنجاب اسمبلی سے میٹنگز جاری ہے۔

ذرائع کا کہنا ہے کہ ن لیگ کے اجلاس میں اسپیکراورڈپٹی اسپیکر کے خلاف ووٹنگ کی صورت میں ارکان پورے کرنے کی حکمت عملی پر غور جاری ہے اور ووٹنگ کی صورت میں ہر گروپ کا ہیڈ مقرر کرنے کا فیصلہ کیا گیا ہے۔

ذرائع کے مطابق گروپ کے تمام ارکان ووٹنگ کی صورت میں گروپ ہیڈ سے رابطہ میں رہیں گے اور ہدایات لیں گے۔ نمبر پورے نہ ہونے کی صورت میں گروپ ہیڈ قیادت کو رپورٹ دے گا۔ مشکوک ارکان کے حوالے سے بھی گروپ ہیڈ قیادت کو آگاہ کرے گا۔

واضح رہے کہ عدم اعتماد میں ایوان میں 186 ارکان ن لیگ نے پورے کرنے ہیں، اپوزیشن اتحاد کے پاس اس وقت پنجاب اسمبلی میں 180 ارکان ہیں۔