پیرا گلائیڈنگ، ایک ایسا شوق ہے جس میں جان داؤ پر لگادی جاتی ہے اور گرنے کا ڈر الگ ہوتا ہے لیکن صرف زندہ دل افراد ہی اس شوق میں مہارت حاصل کرسکتے ہیں۔

 سوشل میڈیا پر ایک انوکھے انداز میں پیرا گلائیڈنگ  ویڈیو وائرل ہو رہی ہے۔

جی ہاں وائرل ہونے والی ویڈیو میں ایک نوجوان لڑکے کوصوفے پر بیٹھ کر پیرا گلائیڈنگ کرتے دیکھا جا سکتا ہے یہ ہی  نہیں بلکہ ساتھ میں ٹی وی کو بھی دیکھا جاسکتا ہے۔

سوشل میڈیا پر وائرل ہونے والی اس ویڈیو نے صارفین کو حیرت میں مبتلا کر دیا ہے۔

  اس سے قبل ایک پیرا گلائیڈنگ  کی ویڈیو وائرل ہوئی تھی جس میں پیراشوٹ کی ایک ڈوری کو ٹوٹتے ہوئے دیکھا گیا تھا۔

سوشل  میڈیا پر وائرل ہونے والی اس پیرا گلائیڈنگ کی ویڈیو نے سب کو ہی خوفزادہ کردیا تھا۔

تاہم وائرل ہونے والی ویڈیو میں ایک سیاح کو دیکھا جاسکتا ہے جس کا پیرا گلائیڈنگ کے دوران اچانک رسہ ٹوٹ جاتا ہے اور وہ زمین  پر آگرتا ہے تاہم خوش قسمتی سے  سیاح شدید چوٹوں سے محفوظ رہا۔

واضح رہے کہ اس ویڈیو کے حوالے سے اے سی نور الحق کا کہنا تھا کہ موٹر بوٹس سے بندھے رسے اور سیاحوں کو فراہم کئے جانے والی خستہ حال لائف جیکٹس کسی بھی وقت کسی سنگین حادثے کا سبب بن سکتی ہیں اس لئے قیمتی انسانی جانوں کو بچانے کے لئے احکامات جاری کئے ہیں۔