ترمیمی ایکٹ 2022 کے تحت دائرہ اختیارکی درخواست پرفیصلہ محفوظ

ترمیمی ایکٹ 2022 کے تحت دائرہ اختیار کی درخواست پر فیصلہ محفوظ

ویب ڈیسک

25th Jan, 2023. 12:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ترمیمی ایکٹ 2022 کے تحت دائرہ اختیار کی درخواست پر فیصلہ محفوظ

پارک لین ریفرنس کیس میں ترمیمی ایکٹ 2022 کے تحت دائرہ اختیارسے متعلق درخواست پرفیصلہ محفوظ کر لیا گیا۔

تفصیلات کے مطابق اسلام آباد کی احتساب عدالت کے جج ناصرجاوید رانا کی عدالت نے سابق صدر پاکستان آصف علی زرداری و دیگر کے خلاف پارک لین ریفرنس میں ترمیمی ایکٹ 2022 کے تحت دائر اختیار سے متعلق درخواست پر فیصلہ محفوظ کرلیا۔

آصف علی زرداری کی درخواست پر سماعت کے دوران ان کے وکیل فاروق ایچ نائیک عدالت پیش ہوئے اور دلائل دیتے ہوئے کہاکہ ترمیمی ایکٹ کے بعد پارک لین ریفرنس احتساب عدالت کے دائرہ اختیار میں نہیں آتا۔

عدالت نے کہاکہ آدم امین چوہدری کیس میں اسلام آباد ہائیکورٹ کا فیصلہ موجود ہے، فیصلہ میں کہا گیا کہ ریفرنس واپس نہیں کیا جا سکتا۔

وکیل نے کہا کہ اس کیس پر ہائیکورٹ کا فیصلہ لاگو نہیں ہے وہ صرف ایمنسٹی سکیم اور ٹیکس سے متعلق کیس پر فیصلہ دیا گیا ہے۔

دوران سماعت نیب پراسیکیوٹر عثمان مسعود کا بریت درخواست کی مخالفت کرتے ہوئے کہاکہ نیشل بینک آف پاکستان اور سمٹ بینک کا جوائنٹ ایڈوانچر ہواتھا،اس کیس میں 1.5 بلین کا قرض لیا گیا جو بعد 2.8 بلین بڑھا دیا گیا،عدالت دائر اختیار کا تعین کرے۔

فریقین کے دلائل مکمل ہونے پراحتساب عدالت نے فیصلہ محفوظ کر لیا۔