ترکیہ کے صدر رجب طیب اردوان نے ملک میں قبل از وقت انتخابات کرانے کا عندیہ دے دیا ہے۔

غیر ملکی میڈیا کی خبروں کے مطابق ترک صدر رجب طیب اردوان نے ملک میں جون کے مہینے میں عام انتخابات کرانے کا اشارہ دیا ہے۔

صدر رجب طیب اردوان نے اپنی تقریر میں کہا کہ 14 مئی 1950 میں مرحوم میندریس جو خواب دیکھا تھا اس کی تعبیر 2023 میں پوری ہو جائے گی۔

ترکیہ کے سابق وزیراعظم عدنان میندریس کا 1960 میں فوجی بغاوت میں تختہ الٹ دیا گیا تھا۔

صدر رجب طیب ایردوان اکثرسابق وزیراعظم کوایک رہ نماقائد کے طور پر پیش کرتے رہتے ہیں۔ان کا یہ بیان ترکی میں انتخابات کی نئی تاریخ کااعلان قراردیا گیا ہے۔

صدر کا کہنا تھا کہ ہمارے پاس پانچ مہینے ہیں اور ان پانچ مہینے سے زیادہ وقت نہیں ہے۔

ترکیہ کے حزب اختلاف کی جانب سے بھی صدر طیب اردوان کی بیان کردہ تاریخ پر اتفاق ہوتا نظر آ رہا ہے۔

سی ایچ پی کے رہنما کمال کلیچ داراوغلو نے ایک ٹی وی انٹرویو میں کہا کہ ایسا لگتا ہے کہ عام انتخابات 14 مئی کو ہوں گے۔

ترکی کے حزب اختلاف کے اتحاد نے ابھی تک مشترکہ صدارتی امیدوار کا اعلان نہیں کیا ہے، تاہم کلیچ داراوغلو کئی بار یہ تجویز دے چکے ہیں کہ وہ انتخابات میں حصہ لینے کوتیار ہیں۔

ترکیہ میں صدارتی امیدوارکوانتخابات کے پہلے مرحلے میں کامیابی کے لیے 50 فی صد سے زیادہ ووٹ حاصل کرنے کی ضرورت ہوتی ہے تاکہ دو ہفتے بعد دوسرے مرحلے کے انتخابات سے بچا جا سکے۔

انتخابات کے لیے 14مئی کی تاریخ عید کی تعطیلات اور اسکولوں کی تعطیلات سے متصادم نہیں ہے، اس لیے اس بات کا زیادہ امکان ہے کہ زیادہ تعداد میں لوگ ووٹ ڈالنے کے لیے آئیں گے۔