سندھ بلدیاتی انتخابات؛ الیکشن کمیشن میں کنٹرول روم قائم

ویب ڈیسک

13th Jan, 2023. 06:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ بلدیاتی انتخابات؛ الیکشن کمیشن میں کنٹرول روم قائم

سندھ میں بلدیاتی انتخابات کے دوسرے مرحلے کے لیے اسلام آباد الیکشن کمیشن سیکریٹریٹ میں 3 دن کے لئے مرکزی کنٹرول روم قائم کردیا گیا۔

ترجمان الیکشن کمیشن کے مطابق مرکزی کنٹرول روم کل سے کام شروع کرے گا، انتخابات کے نتائج آنے تک کنٹرول روم بلا تعطل کام جاری رکھے گا،

ترجمان الیکشن کمیشن کا کہنا تھا کہ مرکزی کنٹرول روم اسلام آباد سے سینئر افسران انتخابی عمل کی مانیٹرنگ کریں گے اور کنٹرول روم شکایات کے ازالے کیلئے فوری ہدایات جاری کرے گا۔

ترجمان نے کہا کہ سیکریٹری الیکشن کمیشن اور سپیشل سیکرٹری الیکشن کمیشن، کراچی میں صوبائی الیکشن کمیشن سندھ کے دفتر سے انتخابی عمل کی نگرانی کریں گے۔

ترجمان الیکشن کمیشن کا مزید کہنا تھا کہ پولنگ کے دوران کسی قسم مداخلت کو برداشت نہیں کیا جائے گا اور خلاف ورزی کرنے والوں کے خلاف فوری ایکشن لیا جائے گا۔