اعظم خان کی بطور نگراں وزیرِ اعلیٰ خیبر پختونخوا تقرری

ویب ڈیسک

21st Jan, 2023. 10:56 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اعظم خان کی بطور نگراں وزیرِ اعلیٰ خیبر پختونخوا تقرری

گورنرخیبرپختون خوا حاجی غلام علی نے محمد اعظم خان کو نگران وزیراعلٰی خیبرپختون خوا تعینات کر دیا۔

گورنرخیبرپختون خوا حاجی غلام علی کی جانب سے محمد اعظم خان کی بطورنگران وزیراعلٰی خیبرپختونخوا تعیناتی کا اعلامیہ جاری کردیا گیا۔

گورنر خیبرپختون خوا نے آج صبح سویرے ہی اعظم خان کی بطور نگران وزیراعلٰی تعیناتی کے اعلامیہ پر دستخط کر دیے۔

واضح رہے کہ گزشتہ روز خیبر پختون خوا حکومت اوراپوزیشن میں نگراں وزیرِاعلیٰ کے لیے اعظم خان کے نام پر اتفاق ہو گیا تھا۔

اپوزیشن لیڈر اکرم خان درانی کا کہنا تھا کہ نگراں وزیرِاعلیٰ کے لیے ہمارے متفقہ امیدوار اعظم خان ہیں، ایسے شخص کا چناؤ کیا ہے جو سب کو قابلِ قبول ہیں۔

ان کا کہنا تھا کہ نگراں وزیرِاعلیٰ کا فیصلہ نہ کرتے تو لوگ سمجھتے کہ یہ ابھی بھی ضد پر ہیں، تاریخ میں پہلی بار متفقہ طور پر نگراں وزیرِ اعلیٰ کے نام پر اتفاق ہوا ہے۔

عوامی نیشنل پارٹی کے رہنما ایمل ولی کا کہنا تھا کہ اے این پی اعظم خان کو نگران وزیرِ اعلیٰ بنانے کے فیصلے کا خیر مقدم کرتی ہے۔ امید ہے کہ اعظم خان صوبے کا نظام بہترین طور پر چلائیں گے۔

اعظم خان کے بارے میں

نگراں وزیراعلٰی منتخب ہونے والے محمد اعظم خان سابق سول سرونٹ اور خیبر پختونخوا کے وزیر برائے خزانہ منصوبہ بندی و ترقی رہے۔ انھوں نے خیبرپختونخوا میں بطور چیف سیکریٹری بھی ذمہ داریاں سر انجام دیں۔

اعظم خان نے پشاوریونیورسٹی سے ماسٹر کی ڈگری جبکہ لندن لنکولس این سکول سے وکالت کی ڈگری حاصل کی ہے۔ اعظم خان سابق نگراں وفاقی وزیربھی رہ چکے ہیں۔