ٹینس کی دنیا کی نامور خاتون کھلاڑی نومی اوساکا نے سال کے پہلے گرینڈ سلم ایونٹ آسٹریلین اوپن سے دستبرداری کا اعلان کر دیا ہے۔

برطانوی خبر رساں ادارے کی خبر کے مطابق دو بار کی آسٹریلین اوپن چیمپئن نومی اوساکا اس سال کے آسٹریلین اوپن سے ٹورنامنٹ شروع ہونے سے صرف آٹھ دن پہلے دستبردار ہو گئی ہیں۔

جاپان سے تعلق رکھنے والی نومی اوساکا، 2019 اور 2021 میں میلبورن میں فاتح، ستمبر سے ڈبلیو ٹی اے ٹور پر نہیں کھیلی ہے اور عالمی درجہ بندی میں 42 ویں نمبر پر آ گئی ہے۔ 25 سالہ نومی اوساکا نے ایونٹ سے دستبرداری کی کوئی وجہ نہیں بتائی ہے۔

آسٹریلین اوپن کے منتظمین نے ان کی جگہ یوکرین کی دیانا یاسٹریمسکا کو مین ڈرا میں ترقی دے دی ہے۔

واضح رہے کہ سالہ سات بار کی گرینڈ سلیم چیمپیئن 42 سالہ وینس ولیمز اور اسپین کے عالمی نمبر ایک  19 سالہ کارلوس الکاراز سمیت کئی اسٹار نام پہلے ہی میلبورن میں 16 جنوری سے شروع ہونے والے ٹورنامنٹ سے دستبردار ہو چکے ہیں۔

یہ دیکھنا باقی ہے کہ آیا برطانوی نمبر ایک ایما ریڈیوکانو آسٹریلین اوپن میں حصہ لیں گی یا نہیں کیونکہ جمعرات کو اے ایس بی کلاسک کے ایک میچ میں ان کا ٹخنہ زخمی ہو گیا تھا جس کی وجہ سے انہیں میچ ادھورا چھوڑنا پڑا تھا۔

چار بار کی گرینڈ سلیم چیمپئن نومی اوساکا نے ستمبر میں ٹوکیو میں پین پیسیفک اوپن کا دفاع کرتے ہوئے اپنے دوسرے راؤنڈ کے میچ سے ریٹائرمنٹ لے لی۔

نومی اوساکا ٹوکیو ایونٹ سے قبل یو ایس اوپن سمیت تین ٹورنامنٹ کے پہلے راؤنڈ میں شکست کھا چکی تھیں۔

جاپانی کھلاڑی نومی اوساکا گزشتہ سال مئی میں فرنچ اوپن کے پہلے راؤنڈ میں بھی ہار گئی تھی اور جون میں اکیلس ٹینڈن کی چوٹ کی وجہ سے ومبلڈن سے دستبردار ہو گئی تھی، اور پچھلے سال آسٹریلین اوپن میں تیسرے راؤنڈ میں پہنچ گئی تھی۔