گورنرکے پی کے حاجی غلام علی نے محمد اعظم خان سے نگراں وزیراعلی کے عہدے کا حلف لیا۔ 

تفصیلات کے مطابق گورنرہاؤس پشاورمیں نگراں وزیراعلی محمد اعظم خان کی حلف برداری کی تقریب منعقد کیا گئی۔

نگراں وزیراعلی خیبرپختونخوا محمد اعظم خان نے اپنے عہدے کا حلف اٹھا لیا، گورنرخیبر پختونخوا حاجی غلام علی نے اُن سے نگراں وزیراعلی کے عہدے کا حلف لیا۔

گورنرہاؤس پشاورمیں نگراں وزیراعلی محمد اعظم خان کی حلف برداری کی تقریب میں اسپیکر کے پی اسمبلی مشتاق احمد غنی، اپوزیشن لیڈراکرم درانی اور مختلف سیاسی رہ نماؤں کے عالوہ سول و ملٹری حکام، بیوروکریٹس اور پولیس حکام بھی موجود تھے۔

حلف برداری کی تقریب کے بعد بول نیوزسے خصوصی گفتگو کرتے ہوئے نگراں وزیراعلٰی خیبرپختون خوا محمد اعظم خان نے کہا کہ شفاف الیکشن کا انعقاد اولین ترجیح ہے۔ امن و امان کی صورت حال پر توجہ رہے گی۔

واضح رہے کہ اس سے قبل گورنرخیبرپختون خوا حاجی غلام علی کی جانب سے محمد اعظم خان کی بطورنگران وزیراعلٰی خیبر پختونخوا تعیناتی کا اعلامیہ جاری کیا گیا۔

گورنرخیبرپختون خوا حاجی غلام علی نے آج صبح سویرے ہی اعظم خان کی بطور نگران وزیراعلٰی تعیناتی کے اعلامیہ پر دستخط کیے۔

گزشتہ روز خیبر پختون خوا حکومت اوراپوزیشن میں نگراں وزیرِاعلیٰ کے لیے اعظم خان کے نام پر اتفاق کیا گیا تھا۔

اپوزیشن لیڈر اکرم خان درانی کا کہنا تھا کہ نگراں وزیرِاعلیٰ کے لیے ہمارے متفقہ امیدوار اعظم خان ہیں، ایسے شخص کا چناؤ کیا ہے جو سب کو قابلِ قبول ہیں۔