لاہورہائی کورٹ نے رہنما پی ٹی آئی شہباز گل کی حفاظتی ضمانت منظوری کا تحریری فیصلہ جاری کر دیا۔

تفصیلات کے مطابق لاہور ہاٸی کورٹ کے جسٹس طارق سلیم شیخ نے دو صفحات پر مبنی تحریکِ انصاف شہبازگل کی حفاظتی ضمانت منظوری کا تحریری فیصلہ جاری کیا۔

جسٹس طارق سلیم شیخ نے تحریری فیصلے میں کہا کہ شہباز گل کے وکیل نے بتایا کہ ایک نٸی ایف آٸی آر درج کی گٸی ہے۔ عدالت نے ایڈیشنل ایڈووکیٹ جنرل اور ڈپٹی اٹارنی جنرل کو ایف آٸی آر کی تفصیلات پیش کرنے کا کہا۔

عدالتی تحریری فیصلے میں کہا گیا کہ ڈپٹی اٹارنی نے بتایا کہ ڈی جی ایف آٸی اے اور ایس ایس پی آپریشن نے کسی نٸے مقدمہ سے لاعلمی کا اظہار کیا۔

تحریری فیصلے میں کہا گیا کہ ڈپٹی اٹارنی جنرل نے بتایا کہ اسپیشل پراسیکیوٹر نے نیا مقدمہ درج ہونے کی تصدیق کی مگر وہ تفصیل فراہم نہیں کرسکتے۔ ہرشہری کا حق ہے کہ قانون اسے تحفظ دے اور یہ بنیادی حق ہے۔

جسٹس طارق سلیم شیخ نے دو صفحات پرمبنی فیصلے میں یہ بھی کہا کہ عدالت شہباز گل کی پچاس ہزار مچلکوں کے عوض 24 جنوری تک ضمانت منظور کرتی ہے۔

دوسری جانب اداروں کیخلاف بغاوت اکسانے کے کیس میں اسلام آباد کی مقامی عدالت نے شہباز گل کیخلاف فرد جرم کی کارروائی ایک بار پھر مؤخر کردی۔