جاپان میں عالمی وبائی مرض کورونا بے قابو ہوتا جا رہا ہے حکام کا کہنا ہے کہ آج کورونا کے باعث 489 افراد زندگی کی بازی ہار گئے ہیں۔

عالمی خبر رساں ادارے کی خبر کے مطابق جاپان کے وزارت صحت کی طرف سے جاری کردہ اعدادوشمار کے مطابق گزشتہ روز موذی مرض میں مبتلا 489 افراد جان کی بازی ہار گئے ہیں۔

جاپانی وزارت صحت کا کہنا ہے کہ یہ کورونا کی نئی لہر کا سب سے بڑا ریکارڈ ہے۔

جاپان میں بدھ کے روز 216,219 نئے تصدیق شدہ کورونا وائرس کے کیسز درج کئے گئے ہیں جو گزشتہ ہفتے کے مقابلے میں 4 فی صد زیادہ ہیں۔

ورلڈ ہیلتھ آرگنائزیشن کے ایک جائزے کے مطابق، پچھلے سات دنوں میں جاپان کورونا کیسز سے ہونے والی اموات کے حوالے سے دوسرے نمبر پر ہے، کورونا سے دنیا بھر میں ہونے والی اموات میں امریکہ پہلے نمبر پر ہے۔

جاپان گزشتہ ہفتے میں کورونا سے متاثر ہونے والے ملک کی فہرست میں پہلے نمبر پر پہنچ گیا ہے۔

طبی ماہرین کا کہنا ہے کہ مسلسل تبدیل ہونے والا یہ ویرئینٹ حکومتی اعداد و شمار سے کہیں زیادہ لوگوں کو متاثر کر رہا ہے۔

جاپانی حکومت اب اس بات پر پریشان ہے کہ قوم کو کورونا کے علاوہ باقی ماندہ وبائی امراض کے خلاف اقدامات کو کب اور کیسے ختم کیا جائے، یا اس نئی لہر کو کسی موسمی مرض کے ساتھ جوڑا جائے۔

جاپان کے محکمہ صحت نے رواں سال موسم بہار کے شروع میں کورونا کی اسی نئی لہر کے خلاف بتدریج اقدامات کا عندیہ دیا ہے اور کہا کہ اس مرض کے خاتمے کے لیے سنجیدہ اقدامات زیر غور ہیں۔