آسٹریلین اوپن 2023 میں خواتین کے سنگل ٹائٹل کا فائنل ایلینا ریباکینا اور آرینا سبالینکا کے مابین ہو گا۔

غیر ملکی خبروں کے مطابق ومبلڈن چیمپیئن ایلینا رائباکینا آسٹریلین اوپن 2023 کے فائنل میں پہنچنے کے بعد ایک اور بڑے ٹائٹل کی طرف گامزن ہے جہاں ان کا مقابلہ بیلاروسی کی پانچویں سیڈ آرینا سبالینکا سے ہوگا۔

ومبلڈن چمپئین 23 سالہ رائباکینا نے وکٹوریہ آزارینکا کے خلاف 7-6 (7-4) 6-3 سے کامیابی حاصل کی، جس سے اس کی آخری فتح کے 10 سال بعد ٹائٹل جیتنے کی دو بار کی چیمپئن کی امیدیں ختم ہوگئیں۔

سبالینکا نے پولینڈ کی میگڈا لینیٹ کو سیمی فائنل میں ہرا کر اپنے پہلے بڑے فائنل میں رسائی حاصل کی۔

طاقتور 24 سالہ سبالینکا نے اپنی غیر سیڈ حریف کے خلاف 7-6 (7-1) 6-2 سے کامیابی حاصل کی۔

سبالینکا 30 سالہ لینیٹ کو ہرانے کے لیے  فیورٹ تھی، جو اس سے پہلے کبھی بھی کسی گرینڈ سلم ایونٹ کے تیسرے راؤنڈ میں نہیں پہنچی تھ، اس جیت کے ساتھ سبالینکا کے اعتماد میں اضافہ ہوا۔

بڑے ایونٹس کے سیمی فائنل میں تین بار ہارنے کے بعد اس سیمی فائنل میں کامیابی نے سبالینکا کو راحت کا موقع فراہم کیا۔

“سبالینکا نے کہا کہ میں یہ نہیں کہوں گی کہ میں نے واقعی اچھی شروعات کی لیکن ٹائی بریک میں میں نے اپنی تال تلاش کی اور خود پر بھروسہ کیا اور اپنے شاٹس کھیلے۔

سبالینکا نے ایڈیلیڈ ٹائٹل جیتنے کے بعد 10 مسلسل میچوں میں کامیابی حاصل کی ہے۔