ن لیگ نے نگران وزیراعلیٰ کے لیے 2 نام بھجوادیئے

ویب ڈیسک

17th Jan, 2023. 07:04 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ن لیگ نے نگران وزیراعلیٰ کے لیے 2 نام بھجوادیئے

پنجاب اسمبلی میں اپوزیشن لیڈر حمزہ شہباز نے اپنے نمائندے کے ذریعے نگران وزیراعلیٰ کے لیے 2 نام گورنر کو بھجوادیے ہیں۔

تفصیلات کے مطابق پنجاب کے نگران وزیراعلیٰ کے تقرر کے معاملے پر پنجاب اسمبلی میں قائد حزب اختلاف حمزہ شہباز کے نامزد کردہ نمائندے ملک احمد خان نے گورنر پنجاب بلیغ الرحمان کو نگران وزیراعلیٰ کے لیے 2 نام بھجوادیے ہیں۔

حمزہ شہباز کی جانب سے گورنر پنجاب کو بھیجے گئے مراسلے میں کہا گیا کہ ن لیگ وزیراعلیٰ پرویز الہیٰ کے بھجوائے گئے ناموں سے متفق نہیں۔

ن لیگ کی جانب سے نگران وزیراعلیٰ پنجاب کے لیے وزیراعظم شہباز شریف کے مشیر احد چیمہ اور سینیئر صحافی محسن رضا نقوی کے نام بھجوائے گئے ہیں۔

گورنر پنجاب کو موصول ہونے والے مراسلے میں کہا گیا کہ حمزہ شہباز نے نگران وزیر اعلیٰ کے معاملے پر مزید مشاورت کیلئے ملک احمد خان کو نامزد کیا ہے۔

اس سے قبل وزیراعلیٰ پنجاب پرویز الہیٰ کی جانب سے دیے گئے تین ناموں میں سے ایک ناصر کھوسہ نے نگران وزیراعلیٰ بننے سے معذرت کی تھی جب کہ باقی ناموں میں احمد نواز سکھیرا اور محمد نصیر خان شامل ہیں جس سے ن لیگ متفق نہیں۔