عالمی ڈونرزکانفرنس سے خطاب کرتے ہوئے وزیراعظم نے کہا کہ سیلاب سے پاکستان کو 30 ارب ڈالر کا نقصان ہوا۔ 

تفصیلات کے مطابق جنیوا میں سیلاب متاثرین کی بحالی کے لیے عالمی ڈونرز سے خطاب کرتے ہوئے وزیراعظم شہبازشریف نے کہا کہ کانفرنس میں شریک تمام ممالک کا شکرگزار ہوں۔  پاکستان کی عوام انتونیو گوتریس کے تعاون کو ہمیشہ یاد رکھیں گے۔ انتونیو گوتریس کے ساتھ دس ستمبر کو سندھ کے متاثرہ علاقوں کا دورہ کیا۔

وزیراعظم شہباز شریف نے کہا کہ پاکستان اس وقت تاریخی نہج پر کھڑا ہے۔ سیلاب سے پاکستان کو مالی اور جانی نقصان ہوا اور ریلیف کا کام ابھی ختم نہیں ہوا۔ متاثرین کی بحالی، تعمیرنوکیلئے بڑےپیمانےپر امداد کی ضرورت ہے۔ متاثرین کی بحالی کیلئےکم ازکم 16.3 ارب ڈالر کی ضرورت ہے۔

وزیراعظم نے کانفرنس سے خطاب میں کہا کہ سیلاب سے پاکستان میں بڑے پیمانے پر تباہی ہوئی۔  آج ہم تاریخ کے اہم موڑ پر کھڑے ہیں۔ سیلاب سے پاکستان کو تیس ارب ڈالر کا نقصان ہوا اورمشکل وقت میں مدد کرنے والوں کو کبھی نہیں بھولیں گے۔ یورپی یونین سمیت تمام ممالک دوست ممالک کے مشکور ہیں۔

وزیراعظم شہبازشریف نے کہا کہ متاثرین کو دوبارہ بحال کرکے اچھا مستقبل دینا ہے۔ سندھ اور بلوچستان کے کئی حصوں میں اب بھی پانی موجود ہے اب تک سیلاب سے تین کروڑ سے زاید افراد متاثر ہوئے ہیں۔

انھوں نے عالمی ڈونرز کانفرس سے خطاب میں مذید کہا کہ سیلاب نے نوے لاکھ لاگوں کو غربت کی لکیر سے نیچے دکھیل دیا۔ سیلاب سے مکانات، تعلیمی ادارے، زراعت کو نقصان پہنچا ہے۔

سیکریٹری جنرل انتونیو گوتریس

وزیراعظم شہباز شریف کے خطاب سے قبل قوام متحدہ کے سیکریٹری جنرل انتونیو گوتریس کا کہنا تھا کہ پاکستان قدرتی آفات کے ساتھ کرپٹ عالمی معاشی سسٹم کا شکارہے۔

وزیرخارجہ بلاول بھٹوزرداری

وزیرخارجہ  بلاول بھٹو نے خطاب کرتے ہوئے کہا کہ سیلاب متاثرین کی بحالی کا آدھا کام پاکستان اپنے وسائل سے کرے گا۔