جماعت اسلامی کا بلدیاتی انتخابات کے نتائج کیخلاف احتجاج کا اعلان

ویب ڈیسک

17th Jan, 2023. 12:30 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

جماعت اسلامی کا بلدیاتی انتخابات کے نتائج کیخلاف احتجاج کا اعلان

امیر جماعت اسلامی سراج الحق نے کراچی کے بلدیاتی انتخابات کے نتائج کے خلاف ملک کے بڑے شہروں میں احتجاجی مظاہروں کا اعلان کیا ہے۔

تفصیلات کے مطابق الیکشن کمیشن نے کراچی میں ہونے والے تمام 235 نشستوں کے انتخابی نتائج کا اعلان کردیا۔

الیکشن کمیشن کے مطابق پیپلز پارٹی کے 93 امیدوار چیئرمین اور وائس چیئرمین کی نشستوں پر کامیابی حاصل کرکے پہلے نمبر پر جب کہ جماعت اسلامی 86 سیٹوں کے ساتھ دوسرے اور پی ٹی آئی 40 سیٹوں کے ساتھ تیسرے نمبر پر ہے۔

اس کے علاوہ مسلم لیگ (ن) کے حصے میں 7 نشستیں آئی ہیں جب کہ جے یو آئی 3، متحدہ قومی موومنٹ 1، تحریک لبیک 2 اور 3 آزاد امیدوار چیئرمین و وائس چیئرمین کی نشست پر کامیاب ہوئے

یہ بھی پڑھیں؛ کراچی بلدیاتی انتخابات میں پیپلزپارٹی نے میدان مارلیا

الیکشن کمیشن کی جانب سے نتائج کے اعلان کے بعد امیر جماعت اسلامی سراج الحق نے بیان جاری کیا کہ جماعت اسلامی کراچی بلدیاتی الیکشن میں بڑی پارٹی بن کرسرفہرست آئی، پولنگ ایجنٹوں کے نتائج واضح ہیں کہ جماعت اسلامی اکثریت میں ہے۔

انہوں نے کہا کہ الیکشن کمیشن کی جانب سے نتائج میں تاخیر شکوک و شبہات بڑھا رہی ہے، جماعت اسلامی کے علاوہ دیگرجماعتوں کے انتخابی نتائج میں بھی ردوبدل کی جا رہی ہے، اپیل کرتا ہوں ملک کے بڑے شہروں میں احتجاجی مظاہرے کیے جائیں۔

ترجمان کے مطابق جماعت اسلامی نے آج ملک بھر میں احتجاج کی کال دے دی ہے جبکہ سراج الحق نے منصورہ میں اجلاس بھی طلب کرلیا ہے۔