سندھ ہائی کورٹ؛ شہباز گل کے خلاف درج تین مقدمات ختم

شاہد حسین

12th Jan, 2023. 09:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سندھ ہائی کورٹ؛ شہباز گل کے خلاف درج تین مقدمات ختم

پی ٹی آئی کے رہنما شہباز گل کو سندھ ہائی کورٹ سے بڑا ریلیف مل گیا، مقدمات ختم کردیے گئے۔

تفصیلات کے مطابق قومی اداروں کے خلاف تضحیک آمیز بیان دینے کے معاملے میں رہنما پی ٹی آئی شہباز گل کو سندھ ہائی کورٹ سے بڑا ریلیف مل گیا، پولیس نے شہباز گل کے خلاف درج تین مقدمات ختم کردیے۔

پولیس نے اپنی رپورٹ میں بتایا کہ شہباز گل کے خلاف درج تین مقدمات کو سی کلاس کرنے سے متعلق رپورٹ مجسٹریٹس کے پاس جمع کرائی جائے گی۔

شہباز گل کے خلاف تھانہ بریگیڈ، رضویہ اور سرجانی میں مقدمات درج کیے گئے تھے۔

عدالت نے پولیس رپورٹ کے بعد شہباز گل کی درخواست نمٹا دی۔

شہباز گل کی درخواست کی سماعت جسٹس نعمت اللہ پھلپھوٹو کی سربراہی میں دو رکنی بنچ نے کی۔

رہنما تحریک انصاف شہباز گل نے اپنی درخواست میں مؤقف اختیار کیا کہ میرے خلاف تھانہ سرجانی ٹاؤن، بریگیڈ اور رضویہ میں مقدمات درج کیے گئے ہیں۔

وکیل شہباز گل نے مؤقف پیش کیا کہ بیان سے متعلق مقدمات لاہورکے تھانہ مانگا منڈی میں درج ہوچکا ہے۔ صغرا بائی کیس کی روشنی میں ایک واقعہ کا ایک ہی مقدمہ درج کیا جاسکتا ہے۔

درخواست میں عدالت سے استدعا کی گئی کہ کراچی میں درج مقدمات کو کالعدم قرار دیا جائے۔