شہبازگل کیس میں اسپیشل پراسیکیوٹر کی تعیناتی کیخلاف کیس کی سماعت ملتوی

ویب ڈیسک

25th Jan, 2023. 12:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہبازگل کیس میں اسپیشل پراسیکیوٹر کی تعیناتی کیخلاف کیس کی سماعت ملتوی

عدالت نے شہبازگل کیس میں اسپیشل پراسیکیوٹررضوان عباسی کی تعیناتی کیخلاف کیس کی سماعت آئندہ ہفتے تک ملتوی کردی۔

تفصیلات کے مطابق رہنما پی ٹی آئی شہباز گل کی جانب سے اسلام آباد ہائی کورٹ میں دائردرخواست پر چیف جسٹس عامر فاروق نے سماعت کی۔

درخواستگزار کی جانب سے شہریار طارق ایڈووکیٹ عدالت میں پیش ہوئے، راجہ رضوان عباسی ایڈوکیٹ کی جانب سے راجہ علیم عباسی اور وفاق کی جانب سے فضل الرحمن نیازی، ڈپٹی اٹارنی جنرل عدالت میں پیش ہوئے۔

چیف جسٹس نے ڈپٹی اٹارنی جنرل کو ایکٹ کا موجودہ اسٹیٹس معلوم کرنے کی ہدایت کرتے ہوئے کہا کہ وزارت قانون سے گزٹ نوٹیفکیشن سے متعلق معلومات لے کر فراہم کریں۔

چیف جسٹس عامرفاروق نے کہا کہ اس کو گزٹ نوٹیفکیشن میں چیک کرانے کی ضرورت ہے، بل زیر التوا ہے ورنہ ابھی تک کتنے ایڈیشنل ایڈوکیٹ جنرل آچکے ہوتے، سیکرٹری قانون کے مطابق تو ابھی تک یہ پاس نہیں ہوا، مجھے شک ہے اس کو چیک کروا لیں، اگر یہ بل پاس ہو گیا ہے تو پھر ہمارا کیس حل ہو جائے گا،اگر یہ قوانین پاس ہو گئے ہیں تو اسلام آباد کے کافی مسئلے حل ہو جائیں گے۔

چیف جسٹس اسلام آباد ہائی کورٹ نے کیس کی مزید سماعت اگلے ہفتے تک ملتوی کردی۔