سعودی ریلوے ’سار‘ نے سعودی خاتون ٹرین ڈرائیورز کی وڈیو اپنے ٹوئٹر اکاؤنٹ پر شیئر کی ہے جو سوشل میڈیا پر وائرل ہو گئی ہے۔

تفصیلات کے مطابق سعودی ریلوے ’سار’ نے تیز رفتار ٹرین چلانے کی ٹریننگ مکمل کرنے والی 24 سعودی خواتین کی وڈیو شیئر کی ہے جنہوں نے دنیا کی تیز رفتار ٹرینوں میں سے ایک حرمین ایکسپریس چلانے کا اعزاز حاصل کر لیا ہے۔

سعودی خواتین کی ٹرین چلانے کی وڈیو سعودی ریلوے سار نے اپنے ٹوئٹر اکاؤنٹ پر شئیر کی ہے جو وائرل ہو گئی ہے۔

سعودی ریلوے کی جانب سے ٹریننگ مکمل کرنے والی ایک سعودی خاتون نورۃ ھشام کا کہنا ہے کہ مجھے اور میرے ساتھیوں کو مشرق وسطیٰ میں تیز رفتار ٹرین چلانے کا اعزاز سب سے پہلے حاصل ہوا ہے۔

ٹرین ڈرائیور سعودی خاتون نورۃ ھشام   کا کہنا ہے کہ یہ بڑی ذمہ داری کا کام ہے۔

ایک اور خاتون ٹرین ڈرائیور شجن المرسی نے کہا کہ حج، عمرہ اور زیارت پر آنے والے زائرین کی سلامتی حرمین ایکسپریس ڈرائیور کی ذمہ داری ہے۔

32 قائدة سعودية ينطلقن بأقصى سرعة لتحقيق حلمهن الكبير في قيادة أحد أسرع قطارات العالم ليكنّ بذلك أولى دفعات #قائدات_قطار_الحرمين_السريع . pic.twitter.com/zWGA5DbsuT

Advertisement

— الخطوط الحديدية السعودية | SAR (@SARSaudiRailway) January 1, 2023

 سعودی خاتون ڈرائیورشجن المرسی نے مزید کہا کہ  ٹرین چلانے کی ٹریننگ لینے والے پہلے گروپ میں شمولیت بڑے فخر کی بات ہے، اور میں حرمین ایکسپریس ٹرین چلا کر وطن عزیز کی خدمت کروں گی۔

سعودی ریلوے ’سار‘ نے سعودی خاتون ٹرین ڈرائیورز کی ویڈیو اپنے ٹوئٹر اکاؤنٹ پر شیئر کی ہے جو سوشل میڈیا پر وائرل ہو گئی ہے۔

ایک اور سعودی خاتون ٹرین ڈرائیور بشائرالغامدی نے ٹریننگ کے حوالے سے بتایا کہ ٹریننگ اس انداز سے دی گئی کہ جیسے ہم حقیقی انداز میں ٹرین چلا رہے ہوں.

سعودی خواتین کی تربیت پر مامور ٹرین ڈرائیور اور ٹرینر مھند شاکر ملاح کا کہنا تھا کہ دوران ٹریننگ اس بات کا پورا خیال رکھا گیا کہ حرمین ایکسپریس کی ڈرائیونگ کے دوران خاتون ڈرائیور امن و سلامتی کے معیار کو برقرار رکھ سکیں۔

شاکر ملاح کا مزید کہنا تھا کہ ہماری کوشش ہے کہ حرمین ایکسپریس کسی تاخیر اور حادثے کے بناء ہر اسٹیشن پر وقت مقررہ پر پہنچے۔

واضح رہے کہ ولی عہد محمد بن سلمان نے منصب سنبھالتے ہی کئی تاریخی اور غیر معمولی نوعیت کے اقدامات کیئے ہیں جن میں وژن 2023 کے تحت خواتین کو خود مختار بنانا بھی شامل ہے.

وژن 2023 کے تحت خواتین کو گاڑی چلانے، ملازمت کرنے، کھیل میں حصہ لینا اور بیرون ملک کے اکیلے سفر کی اجازت ملی ہے۔