یوکرین کا کہنا ہے کہ مقبوضہ ڈونیٹسک کے علاقے پر میزائل حملے میں 400 کے قریب روسی فوجی ہلاک ہو گئے ہیں۔

برطانوی خبر رساں ادارے نے خبر دی ہے کہ یوکرین نے میزائل حملے میں 400 کے قریب روسی فوجی مارنے کا دعویٰ کیا ہے جبکہ روسی حکام نے حملے کی تصدیق کرتے ہوئے کہا کہ میزائل حملے میں درجنوں فوجی ہلاک ہوئے ہیں۔

برطانوی خبر رساں ادارے کے مطابق روسی حکام نے صرف 63 فوجیوں کی ہلاکت کی تصدیق کی ہے تاہم ابھی تک اس کی تصدیق نہیں ہو سکی ہے۔

یہ حملہ ماکیوکا شہر کی ایک عمارت کو نشانہ بنایا گیا جہاں خیال کیا جاتا ہے کہ روسی افواج تعینات تھی۔

یہ بھی پڑھیں: روس-یوکرین جنگ: معلوم اور نامعلوم

دریں اثنا کیف میں روس کی جانب سے تازہ حملوں کی بازگشت سنائی دی جب اتوار کی رات کو فضائی حملوں کی آوازیں آئیں.

آج ایک بیان میں روس کی وزارت دفاع نے کہا کہ یوکرین کی افواج نے روسی فوجیوں کی رہائش گاہ پر امریکی ساختہ ہیمارس راکٹ سسٹم کا استعمال کرتے ہوئے چھ راکٹ فائر کیے۔ انہوں نے مزید کہا کہ ان میں سے دو کو راکٹ کو تباہ کر دیا گیا تھا۔

ڈونیٹسک کے مقبوضہ علاقوں میں ایک سینئر روسی حمایت یافتہ اہلکار ڈینیل بیزسونوف نے اس سے قبل کہا تھا کہ میزائل نئے سال کے دن آدھی رات کے دو منٹ بعد ماکیوکا پر گرا۔

اگرچہ روس کے زیر کنٹرول علاقوں تک رسائی پر پابندی ہے، لیکن روسی تبصرہ نگاروں اور بلاگرز کی ایک بڑی تعداد نے یوکرین کے حملے کو تسلیم کیا، لیکن سب کا یہی کہنا تھا کہ روسی فوجیوں کی ہلاکت یوکرینی دعوے سے کم تھی۔

ایک روسی پریزینٹر ولادیمیر سولوویو نے ایک ٹیلیگرام شیئر کرتے ہوئے کہا کہ نقصانات اہم تھے لیکن 400 کے قریب بھی نہیں ہے۔