خرم دستگیرکا کہنا ہے کہ بجلی کل دوپہر میں ہی بحال کردی گئی تھی، 1112 گرڈ اسٹیشن مکمل طورپر بحال کردیے گئے ہیں۔

وفاقی وزیر توانائی خرم دستگیر خان نے پریس کانفرنس کرتے ہوئے کہا کہ ملک میں بجلی کا نظام مکمل طور پر بحال کر دیا گیا ہے۔  بجلی کل دوپہر میں ہی بحال کردی گئی تھی، 1112 گرڈ اسٹیشن مکمل طورپر بحال کر دیے گئے ہیں۔

خرم دستگیرنے کہا کہ بجلی بحالی پر ٹیم کو سراہتا ہوں، بجلی بحالی میں تربیلا، منگلا اور غازی بروتھا کا بڑا اہم کردار ہے۔ وارسک ڈیم چلنے کی وجہ سے اسلام آباد میں بجلی بحال رہی، سندھ اور بلوچستان کے سیلاب زدہ علاقوں میں بجلی موجود رہی

وفاقی وزیر توانائی نے پریس کانفرنس میں کہا کہ شمال اور جنوب کی ٹرانسمیشن لائن میں وولٹیج کا اتار چڑھاؤ آیا، وولٹیج کے اتار چڑھاؤ کی وجہ سے پورے ملک میں پاور پلانٹ خود بند ہوتے گئے، تربیلا کو دوبارہ چلا کر دوسرے پاور پلانٹس کو بجلی دے کر چلایا گیا۔

خرم دستگیر نے کہا کہ بجلی بحالی میں کچھ تاخیر ضرور ہوئی لیکن بجلی ملک میں بحال کر دی گئی ہے، پیسکو اور آئیسکو میں صبح کے اوقات میں ہی بجلی بحال کر دی گئی تھی، ملتان کو 12 بجے اور حیدرآباد کو شام 4 بجے بجلی دی گئی۔

انھوں نے پریس کانفرنس میں مذید کہا کہ جوہری اور کول پاور پلانٹس کو چلے کیلئے 72 گھنٹے مزید درکار ہوں گے۔

یہ خبر بھی پڑھیں: 26 گھنٹے بعد بھی تقریباً نصف کراچی بجلی سے محروم