میلبورن میں جاری آسٹریلین اوپن ٹینس کا پہلا اپ سیٹ رافیل ندال کی شکست کی صورت میں سامنے آیا ہے۔
تفصیلات کے مطابق ٹینس کی دنیا کے معروف کھلاڑی ٹاپ سیڈ رافیل ندال آسٹریلین اوپن کے دوسرے راؤنڈ میں میکنزی میکڈونلڈ کے ہاتھوں شکست کھا کر ایونٹ سے باہر ہو گئے ہیں۔
ٹاپ سیڈ رافیل ندال نے شکست کے بعد کہا کہ انہیں یقین نہیں ہے کہ یہ ان کے کولہے کے پٹھوں یا جوڑوں کا مسئلہ تھا لیکن یہ انجری کچھ دنوں سے ان کے ساتھ تھی۔
یہ بھی پڑھیں : ومبلڈن، رافیل ندال دوسرے راؤنڈ میں پہنچ گئے
رافیل نڈال نے کہا کہ وہ بدھ کے روز دوسرے راؤنڈ میں شکست کے ساتھ آسٹریلین اوپن سے باہر ہونے کے بعد “ذہنی طور پر تباہ” ہو گئے تھے جس میں وہ کولہے کی چوٹ سے بری طرح جدوجہد کر رہے تھے۔
لیکن 36 سالہ دفاعی چیمپیئن رافیل ندال نے کہا کہ وہ ٹینس سے محبت کرتے ہیں اور ان کی تازہ چوٹ سے مایوسی کے باوجود اسے جاری رکھنے کی امید ہے۔
ہسپانوی عظیم کھلاڑی رافیل ندال امریکی میکنزی میکڈونلڈ کے خلاف دوسرے سیٹ میں شاٹ لگاتے ہوئے انجری کا شکار ہوئے تھے اور وہ 6-4، 6-4، 7-5 سے ہار گئے۔
یہ بھی پڑھیں : رافیل ندال کا گرینڈ سلم ومبلڈن سے قبل پیروں کا علاج
دوسرے راؤنڈ میں کریش آؤٹ ہونا 2016 کے بعد کسی گرینڈ سلیم میں رافیل ندال کی پہلی شکست تھی۔
گرینڈ سلم کی 22 ٹرافیاں اپنے نام کرنے والے رافیل ندال نے کہا کہ کبھی کبھی یہ مایوس کن ہوتا ہے، کبھی کبھی اسے قبول کرنا مشکل ہوتا ہے، کبھی کبھی آپ چوٹوں کے معاملے میں ان تمام چیزوں کے بارے میں بہت تھکا ہوا محسوس کرتے ہیں۔
رافیل ندال نے شکست پر کہا کہ اب یہ ایک مشکل لمحہ ہے۔ یہ ایک مشکل دن ہے اور آپ کو اسے قبول کرنے اور آگے بڑھنے کی ضرورت ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
