پاکستان مسلم لیگ (ن) کی سینئر نائب صدر مریم نواز کا رواں ماہ پاکستان واپس آنے کا امکان ہے۔

تفصیلات کے مطابق مریم نواز شریف نے سماجی رابطے کی ویب سائٹ ٹویٹر پر اپنے ایک پیغام میں کہا کہ میں مسلم لیگ ن کے قائد میاں نواز شریف اور صدر شہباز شریف کی مشکور ہوں، میں اپنی پارٹی کے ساتھیوں کے ساتھ مل کر میاں نواز شریف اور میاں شہباز شریف کی رہنمائی میں رہتے ہوئے ان کے وژن کے مطابق انشااللہ مسلم لیگ ن کو منظم اور مضبوط بناوں گی۔

I am grateful to Quaid PMLN @NawazSharifMNS and President PMLN @CMShehbaz for the confidence they have shown in me. I look forward to working with my party colleagues to organize and strengthen PMLN according to the vision of MNS & under the able guidance of MSS Insha’Allah. 1/2

— Maryam Nawaz Sharif (@MaryamNSharif) January 4, 2023

انہوں نے کہا کہ میں پختہ یقین رکھتی ہوں کہ صرف مسلم لیگ ن ہی پاکستان کو اس کی پوری صلاحیت کے مطابق ڈیلیور کرنے اور ترقی دینے کی صلاحیت رکھتی ہے۔

مریم نواز نے یہ بھی کہا کہ میں اللہ تعالیٰ سے دعا کرتی ہوں کہ وہ میری رہنمائی فرمائے اور سب کی امیدوں پر پورا اترنے میں مدد کرے، انشاء اللہ، میں اس مشکل کام کو مؤثر طریقے سے پورا کرنے کے لیے پورے پاکستان کا دورہ کروں گی۔

یہ بھی پڑھیں: مریم نواز اور نوازشریف کی وطن واپسی؟ اہم خبر سامنے آگئی

 پاکستان مسلم لیگ (ن) کی سینئر نائب صدر مریم نواز نے مزید کہا کہ دورے میں پارٹی عہدیداروں اور کارکنوں سے ملاقات کروں گی، ہم جدید تکنیکوں کو اپنائیں گے اور جہاں ضرورت ہو بہتری لائیں گے۔

Advertisement

I will visit & meet party office-bearers and workers across Pak to effectively fulfil this daunting task. We will adopt modern techniques and make improvements where needed to ensure PMLN remains best equipped to continue successfully serving the people of Pakistan. Insha’Allah! https://t.co/xQv5YAtC1x

— Maryam Nawaz Sharif (@MaryamNSharif) January 4, 2023

دوسری جانب ذرائع کا کہنا ہے کہ مریم نواز ملک بھر میں پارٹی کو متحرک کرنے کے لئے دورے بھی کریں گی جبکہ انکا نوازشریف سے پہلے رواں ماہ کے آخری ہفتے پاکستان آنے کا بھی امکان ہے۔