آئی پی ایل کے سابق چیف للت مودی کورونا میں مبتلا، اسپتال منتقل

ویب ڈیسک

14th Jan, 2023. 08:29 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

آئی پی ایل کے سابق چیف للت مودی کورونا میں مبتلا، اسپتال منتقل

انڈین پریمئیر لیگ کے سابق چیف للت مودی کورونا میں مبتلا ہو چکے ہیں اور انہیں اسپتال منتقل کر دیا گیا ہے۔

بھارتی میڈیا کی رپورٹ کے مطابق آئی پی ایل کے سابق چیف للت مودی کورونا مرض میں مبتلا ہو گئے ہیں، انہیں اسپتال میں آکسیجن دی جا رہی ہے۔

بتایا جا رہا ہے کہ سابق چیف گزشتہ دو ہفتوں کے دوران دو مرتبہ کورونا کا شکار ہوئے، اور سانس لینے میں تکلیف کی وجہ سے انہیں اسپتال میں آکسیجن دی جا رہی ہے۔

آئی پی ایل کے سابق چیف نے بھی اس کی تصدیق کرتے ہوئے اپنے سوشل میڈیا کے اکاؤنٹ پر کہاکہ وہ دو ہفتوں میں دو بار کورونا سے متاثر ہوئے اور انہیں “گہرا نمونیا” ہے جس کے بعد انہیں اسپتال میں داخل کرایا گیا ہے۔

یہ بھی پڑھیں : بھارت کے دارالحکومت نیو دہلی میں کورونا سے 5 اموات

للت مودی نے کہا کہ لندن میں میرے دو ڈاکٹرز اور میرے سپر اسٹار بیٹے نے میرا بہت خیال رکھا۔

للت مودی میکسیکو میں تھے جہاں ان کا کورونا ٹیسٹ دو مرتبہ مثبت آیا، جس کے بعد ایک ایئر ایمبولینس کے ذریعے انہیں لندن کے اسپتال منتقل کیا گیا۔

واضح رہے کہ بھارت ان ممالک میں شامل ہے جہاں کورونا نے دوسری اور تیسری لہر کے دوران لاکھوں افراد کو موت کی وادی میں پہنچا دیا تھا۔