سعودی عرب نے فلسطین اسرائیل کشیدگی پر خبردار کر دیا

ویب ڈیسک

29th Jan, 2023. 10:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سعودی عرب نے فلسطین اسرائیل کشیدگی پر خبردار کر دیا

سعودی عرب نے خبردارکیا ہے کہ فلسطین اور اسرائیل کے درمیان صورت حال خطرناک حد تک کشیدہ ہوسکتی ہے.

عرب میڈیا کے مطابق سعودی وزارتِ خارجہ نے اپنے ایک بیان میں کہا ہے کہ مملکت عام شہریوں کونشانہ بنانے والی تمام کارروائیوں کی مذمت کرتی ہے اور کشیدگی کے خاتمے، امن عمل کی بحالی اور قبضے کے خاتمے کی اہمیت کی تصدیق کرتی ہے۔

یاد رہے کہ گذشتہ موسم بہارمیں اسرائیل کی جانب سے حملوں کے آغازکے بعد سے اسرائیلیوں اور فلسطینیوں کے درمیان کشیدگی میں اضافہ ہوا ہے، جس میں فلسطینی حملوں میں 19 افراد ہلاک ہوئے تھے۔

جبکہ سال کے آخرمیں ہونے والے حملوں میں ہلاکتوں کی تعداد 30 تک پہنچ گئی تھی۔

یہ بھی پڑھیں : اسرائیلی فوج کی دہشت گردی، 9 فلسطینی شہید

جمعرات کے روزمغربی کنارے کے علاقے جنین پر اسرائیلی حملے میں ایک معمرخاتون سمیت نو افرادشہید ہوگئے تھے جبکہ جمعہ کے روز مشرقی یروشلم میں ایک یہودی بستی میں ایک فلسطینی مسلح شخص نے 70 سالہ خاتون سمیت سات افراد کو ہلاک کر دیا تھا۔

دریں اثنا ہفتے کے روز مشرقی یروشلم میں ایک فلسطینی حملہ آور نے فائرنگ کر دی جس کے نتیجے میں دوافراد زخمی ہوگئے۔

جنین میں چھاپہ مار کارروائی کے بعد فلسطینی اتھارٹی نے جس کے مغربی کنارے میں محدودانتظامی اختیارات ہیں،اسرائیل کے ساتھ سکیورٹی تعاون کا معاہدہ معطل کردیا ہے۔