حلیم عادل شیخ نے کہا ہے کہ اسلام آباد کے بعد کراچی میں بھی پی ڈی ایم کی کانپیں ٹانگ رہی ہیں۔

تفصیلات کے مطابق قائد حزب اختلاف سندھ اسمبلی حلیم عادل شیخ نے سماجی رابطے کی ویب سائٹ ٹویٹر پر اپنے ایک پیغام میں کہا کہ الیکشن سے فرار ہونے کیلئے پی پی نے ایم کیو ایم کی صورت میں اپنی B ٹیم اُتاردی۔

اپنے پیغام میں قائد حزب اختلاف سندھ اسمبلی حلیم عادل شیخ نے مزید کہا کہ خالد مقبول صدیقی کا 15 جنوری سے قبل نئی حلقہ بندیوں کا مُطالبہ الیکشن کے میدان سے جوتے چھوڑ کر بھاگنے کی تیاری ہے، اسلام آباد کے بعد کراچی میں بھی پی ڈی ایم کی کانپیں ٹانگ رہی ہیں۔

یہ بھی پڑھیں؛پیپلزپارٹی اور ایم کیو ایم بلدیاتی انتخابات سے بھاگنے کی تیاری میں ہیں، حلیم عادل شیخ

واضح رہے اس سے قبل کراچی میں ایم کیوایم پاکستان کی رابطہ کمیٹی کا اجلاس ہوا جس میں فیصلہ کیا گیا کہ پیپلز پارٹی کے غیر سنجیدہ رویے اور حلقہ بندیوں کے خلاف احتجاج کیا جائےگا۔

اس موقع پر متحدہ قومی موومنٹ (ایم کیو ایم) پاکستان کے سربراہ خالد مقبول صدیقی نے کہا کہ ایم کیو ایم عدالت میں الیکشن کمیشن اور صوبائی حکومت کے پاس گئی ہوئی ہے، ہم براہ راست پیپلز پارٹی کے اتحادی نہیں تھے مگر سندھ کی جماعت ہونے کے حوالے سے معاہدے کئے گئے ہیں۔

انہوں نے کہا کہ ہم اپنے کارکنان ، ذمہ داران اور یوسی امیدواروں کو بلا کر پوچھے گیں کہ ہمیں حکومت کے ساتھ رہنا ہے یا نہیں، وزیراعظم ایک دو دن میں بتادیں جو وعدے کیے تھے وہ پورے ہوں گے یانہیں، بتائيں ہمارے وعدوں کا کیا بنا

ایم کیو ایم پاکستان کے سربراہنے یہ بھی کہا کہ  انصاف امن کی ضمانت دیتا ہے امن انصاف کی ضمانت نہیں دیتا، وزیر اعظم پاکستان شہباز شریف سے کہتا ہوں ہمیں کل تک بتائیں کہ آپ نے جو ضمانت لی تھی اس پر آپ قائم ہیں یا نہیں

ان کا کہنا تھا کہ پاکستان پیپلز پارٹی سے بھی پوچھنا چاہتا ہوں کہ جس یقین کے ساتھ آپ نے مطالبات سارے جائز ہیں تو شفاف الیکشن ہونے چاہیے، ہمارے بغیر کسی صورت انتخابات کوئی قبول نہیں کرے گا

خالد مقبول صدیقی کا یہ بھی کہنا تھا کہ سندھ میں بلدیاتی انتخابات کے حوالےسےحلقہ بندیاں آئین وقانون کے خلاف ہیں، ہم  بلدیاتی انتخابات شفاف اور دباؤ کے بغیر چاہتے ہیں۔

متحدہ قومی موومنٹ (ایم کیو ایم) پاکستان کے سربراہ خالد مقبول صدیقی کا مزید کہنا تھا کہ ہم چاہتے ہیں کہ 15جنوری کو صاف، شفاف اورغیر جانبدارانہ بلدیاتی انتخابات ہوں اور15 جنوری سے قبل حلقہ بندیاں ٹھیک نہیں ہوئی تو سڑکوں پر اتر جائیں گے۔