وزیراعلٰی خیبر پختون خوا محمود خان نے خطاب کرتے ہوئے کہا کہ بہ طور وزیراعلی یہ میرا آخری خطاب ہے۔

تفصیلات کے مطابق وزیراعلٰی خیبرپختون خوا محمود خان نے کہا ہے کہ آج خیبر پختون خوا اسمبلی تحلیل کر دی جائے گی۔ عمران خان کا اشارہ ملتے ہی اسمبلی تحلیل کر دیں گے۔

وزیراعلٰی خیبر پختون خوا محمود خان  نے کہا کہ بہ طور وزیراعلٰی یہ میرا آخری خطاب ہے۔ ہم الیکشن میں جائیں گے، ہمیں اللہ سے امید ہے اگلی بار دو تہائی اکثریت سےآئیں گے۔

محمود خان نے کہا کہ گورنرکو کے پی اسمبلی تحلیل کرنے کی سمری بھیجی جائےگی، سمری بھیجیں گے تو گورنرکو دستخط کرنا پڑیں گے۔ گورنر خیبرپختون خوا کے پاس کوئی اختیارات نہیں ہیں۔

پشاور پریس کلب میں حلف برداری کی تقریب سے خطاب کرتے ہوئے انھوں نے کہا کہ ہارجیت کھیل کاحصہ ہے، آپ لوگوں کیساتھ ملاقات اج آخری ہے، اس کے بعد ہم نے نئے الیکشن میں جانا ہے، انشا اللہ دوبارہ اس سےبھی طاقت میں آئیں گے۔

محمود خان نے کہا کہ گذشتہ شب پشاورمیں کو واقعہ ہواہے، قابل مذمت اورافسوس ناک ہے، خیبرپختونخواحکومت اورہماری پولیس کے حوالے سے امپورٹڈ وزیرداخلہ کابیان قابل مذمت ہے، وفاقی حکومت نے خیبرپختونخوا کے قبائلی علاقے سے متعلق نوٹیفیکیشن قابل مذمت ہے

وزیراعلٰی کے پی کے محمودخان نے کہا کہ یہ سار کام آئین سے مترادف ہے، صوبہ میراہے، اوراختیارات آپ استعمال کررہے ہیں، گورنر کے پاس تو اختیارات بھی نہیں ہے، آج اس کو ان لوگوں نے اختیارات دیے ہیں، وفاقی حکومت کاجو فیصلہ ہے، ہم اس کوعدالت میں چیلنج کرینگے، اگر فاٹاکو آپ نے صوبے سےنکالناہے، وہ تو پھر آئین کےمطابق کریں۔

اُنھوں نے کہا کہ افغانستان کو جوآٹا جاتا ہے، وہ ورلڈ پروگرام والے لیکر جارہےہیں، آٹا اورمہنگائی سے متعلق باتیں کرنے والے آج خاموش کیوں ہیں، ہماری سالانہ گندم 50 لاکھ میٹرک ٹن ہے، فلورملز کاکوٹہ بھی بڑھادیاہے، اب یہ لوگ کیاکرینگے، اورلوگوں کوتنخواہیں کیسے دینگے، ہم نے لوگوں کوخوراک اورتعلیم کارڈدینے تھے، مگروہ نہ ہوسکا

محمودخان نے مذید کہا کہ یہ سب کچھ ہم نے ان کی وجہ سے روک دئیے، وفاق ہمیں پیسے نہیں دئیے جارہےہیں، آپ لوگ آتے ہی ، اپنے کیسز ختم کردئیے، کون آپ لوگوں کااحتساب کریگا، سمری گورنرکو بھیجتےہی آپ لوگوں کیساتھ شئیر کرلوں گا۔