ایم کیو ایم پاکستان کے سربراہ خالد مقبول صدیقی کا کہنا ہے کہ کراچی کا امن اور معیشت ہی پاکستان کے لیے ضروری ہے۔

متحدہ قومی موومنٹ پاکستان کے سربراہ خالد مقبول صدیقی نے پی ایس پی کے سربراہ مصطفیٰ کمال کے ہمراہ پریس کانفرنس کرتے ہوئے کہا کہ یہ مشترکہ جدوجہد شروع کرنے کا وقت ہے، کراچی کا امن اور معیشت ہی پاکستان کے لیے ضروری ہے، بلدیاتی انتخابات عوام کے لیے بنیادی ضرورت ہے لیکن مردم شماری ، جعلی حلقہ بندیوں کے زریعے انتخابات نہیں ہونے چایئے-

انہوں نے کہا کہ اس شہر میں مختلف لسانی افراد رہتے ہیں جو بھی اثرات پڑتے ہیں وہ سب کے لیے متاثر ہوتے ہیں جب کہ ہم نے مشترکہ جدوجہد کا آغاز پاکستان ہاؤس سے کیا ہے۔

یہ بھی پڑھیں؛ ایم کیو ایم نے 9 جنوری کو احتجاج کی کال دیدی

پاک سرزمین پارٹی کے سربراہ مصطفی کمال نے کہا کہ میں خالد مقبول صدیقی صاحب کا خوش امدید کہتا ہوں، کوئی ایک جماعت ملک کی معاشی صورت حال کو بہتر نہیں بناسکتی، کراچی تباہ ہورہا ہے، یہاں کچرا نہیں اٹھ رہا ہے ، ڈھائی لاکھ نوکریاں دی گئیں مگر اس شہر کے لوگوں کو نہیں دے رہے۔

مصطفی کمال کا کہنا تھا کہ ایک یونین کونسل کی تعداد کچھ ہے تو دوسری کی کچھ، جو بھی اس شہر کے لیے بہتر آواز اٹھائے گا ہم اس کے ساتھ کھڑے ہوں گیں، جو ہمارا حصہ ہے وہ ہم ضرور ڈالیں گیں اور کارکنان کا اجلاس بلا کر جلد جواب دیں گیں ، سب اچھی خبریں آئیں گی۔